Լավագույնը հարաբերությունների և սիրո մասին: Ռեալ ժամանակի պայմաններում:

Կյանքը կարանտինի ժամանակ…

Այլ նորություններ

Նոր տեսանյութեր դեռահասների համար
Սիրելի՛ դեռահաս, Արդեն հասանելի են նոր զվարճալի տեսանյութեր դեռահասներին հուզող թեմաներով, որոնք ստեղծվել են Ջինիշյան հիշատակի հիմնադրամի կողմից, «Արաբկիր» ԲՀ-ԵԴԱԻ մասնագետների հետ համագործակցությամբ։ Տեսանյութերը նվիրված են էներգետիկ ըմպելիքներին, էլեկտրոնային ծխախոտի վտանգներին, մարմնի սահմաններին և մարմնի ընկալման հետ կապված խնդիրներին։ Համոզված ենք, որ կհավանես մեր նորաստեղծ տեսանյութերը, քեզ արդեն ծանոթ հերոսների մասնակցությամբ :-) Եղի՛ր տեղեկացված և իրազեկի՛ր նաև ընկերներիդ։   Մարմնի սահմանները Մարմնի ընկալում Էլեկտրոնային սիգարետների վտանգները Էներգետիկ ըմպելիքների վտանգները։  
Տեղադրված է 06.06.2025 , 12:28…  ավելին →

TeensLive կամավորական թիմի շնորհիվ ապրիլի 19-ին կայացավ առաջին առցանց վեբինարը` «Կյանքը կարանտինի ժամանակ. անգործություն, թե՞ հնարավորություն գործելու ավելի արդյունավետ» խորագրով:

Ավելի քան 50 մասնակից Հայաստանի տարբեր ծայրերից տեղեկատվություն ստացան COVID-19 վարակի, դրանից պաշտպանվելու միջոցների, առողջ ապրելակերպ վարելու, գրքերի, ֆիլմերի, արդյունավետ ժամանակ անցկացնելու և այս օրերին սթրեսից խուսափելու մասին: 🙂

Վեբինարի վերջում տեղի ունեցավ նաև ինտերակտիվ քննարկում կամավորների և մասնակիցների միջև. պարզաբանվեցին բոլոր հուզող հարցերը, մասնակիցները կիսվեցին իրենց փորձով, թե ինչպես են ավելի արդյունավետ դարձնում առօրյան տան պայմաններում:

Ցանկանում ենք շնորհակալություն հայտնել բոլոր մասնակիցներին, ովքեր իրենց էլեկտրոնային հասցեով արդեն ստացել են խոստացված անակնկալը՝ գտնելով հետաքրքիր նյութերի հղումներ, որոնք կօգնեն ավելի հեշտ հաղթահարել այս ժամանակաշրջանը:

Տարբեր թեմաների վերաբերյալ վեբինարներն ու քննարկումները կկրեն շարունակական բնույթ։ Հետևեք մեր էջին սոց.ցանցերում:
Մեկնաբանություններում կարող եք նշել Ձեր նախընտրած թեմաները։

Սիրով`
Ձեր TeensLive թիմ