Լավագույնը հարաբերությունների և սիրո մասին: Ռեալ ժամանակի պայմաններում:

Կրկին գեղեցկության մասին

Այլ նորություններ

Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ  ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…  ավելին →

«Գեղեցիկ է թվում ամեն բան, ինչին սիրով ես նայում»:

 

Սեպտեմբերի 9-ին նշվում է գեղեցկության միջազգային օրը (International Beauty Day)` որպես կոսմետոլոգների և գեղեցկության արդյունաբերության բոլոր մասնագետների տոն:

Նախաձեռնությունը պատկանում է Էսթետիկայի և դիմահարդարման միջազգային կոմիտեին (CIDESCO)` ոլորտի առաջատար և ամենահեղինակավոր կազմակերպություններից մեկին աշխարհում:

Սակայն օրվա խորհրդանիշը ավելի լայն է. ողջունվում և գնահատվում է այն ամենը, ինչ համարվում է գեղեցիկ, այսինքն այն, ինչ մարդկանց պարգևում է գեղագիտական և բարոյական բավարարություն:

Այսօր տարբեր երկրներում անցկացվում են գեղեցկության մրցույթներ, համաժողովներ, մասնագիտացված լուսանկարչական ցուցահանդեսներ, փառատոններ և տարբեր հետաքրքիր միջոցառումներ:

Ի դեպ, գեղեցկության առաջին մրցույթը պատմությունում տեղի է ունեցել 1888–ին Բելգիայում:

Գեղեցկությունն երբեք չի ունեցել հստակ չափանիշներ և սահմանում. յուրաքանչյուր դարաշրջան և ժողովուրդ ունեցել է գեղեցկության իր չափանիշը, որին և ձգտել են նմանվել:

Ինչպես ասել էր հին հռոմեացի նշանավոր պոետ Պուբիլիոս Սիրոսը` «Դուրեկան է անգամ տատասկը, եթե նրա միջից վարդ է երևում» 🙂

Իսկ հայտնի Կոկո Շանելը գրում էր. «Գեղեցկության մասին հոգալիս պետք է սկսել հոգուց և սրտից, թե չէ ոչ մի շպար չի օգնի»:

Իզուր չեն ասում` գեղեցիկ է նա, ով գեղեցիկ և բարի է հոգով և սրտով: