Հետազոտությունները փաստում են, որ արագ սննդի (fast food) օգտագործումը ամբարենպաստ ազդեցություն է թողնում ինչպես ֆիզիկական, այնպես էլ հոգեկան առողջության վրա:

Ավելին, վերջերս Public Health Nutrition journal-ում հրապարակված հոդվածում հեղինակները կապ են գտել արագ սննդի և գործարանային արտադրության թխվածքների օգտագործման և ընկճախտի առաջացման բարձր ռիսկի հետ: Մասնավորապես, նման սննդամթերքի սիրահարները 51% ավելի մեծ հավանականությամբ են ունենում դեպրեսիա (ընկճախտ), ի դեպ, այդ ռիսկը ուղիղ կապված է նման սննդի քանակի հետ:

Այսպիսով, ինչքան շատ արագ սնունդ է օգտագործվում, այնքան բարձր է դեպրեսիայի ռիսկը 🙁

Հետաքրքրական է, որ նման սննդակարգ ունեցողների մեջ ավելի հաճախ են հանդիպել միայնակ, պասիվ կենսակերպ վարող մարդիկ, ովքեր քիչ են օգտագործում բանջարեղեն և միրգ, ընկուզեղեն, ձկնեղեն և ձիթապտղի յուղ (այսինքն` առողջ սնունդ): Նրանց խմբում նաև մեծ թիվ են կազմել ծխող և շաբաթական 45 ժամից ավել աշխատող մարդիկ:

Դե ինչ, ևս մեկ փաստարկ` առողջ սնվելու օգտին 🙂