Լավագույնը հարաբերությունների և սիրո մասին: Ռեալ ժամանակի պայմաններում:

Հետաքրքիր փաստեր դաջվածքի մասին

Այլ նորություններ

Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ  ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…  ավելին →

Դաջվածքը մարդու մարմնի պատկերազարդարման եղանակներից մեկն է։

Ինչպես ցույց են տվել ազգագրական հետազոտությունները` դաջվածքի մշակույթը հատուկ է աշխարհի գրեթե բոլոր ժողովուրդներին: Դաջվածքը պատկանում է ամենահին ավանդույթների շարքին։ Իր ստեղծման պահից դաջվածքը կրել է կրոնական, էսթետիկ, էրոտիկ, տիեզերական  և մոգական բնույթ։
Ըստ մարդաբանների՝ դաջվածքի մշակույթի տարածումը և կարևոր դերակատարումը ավանդական մշակույթներում ունի մի քանի պատճառներ.

  • կիրառվել է որպես գրավչության միջոց,
  • որպես պաշտպանական միջոց՝ ուրիշներ մոտ վախ առաջացնելու նպատակով,
  • որպես հաղորդակցության եղանակ սեփական հանրույթի ներսում և այլ հանրույթների ներկայացուցիչների հետ։

Դաջվածքի կիրառումը հնում երկու հիմնական նպատակ էր հետապնդում։ Առաջին հերթին, այն հանդիսանում էր որպես «այցեքարտ», երբ դաջվածքը պատմում էր մարդու մասին ամեն ինչ, նրա տոհմական պատկանելիությունը և նույնիսկ կենսագրությունը։ Եվ երկրորդ՝ դաջվածքը կիրառվում էր որպես դրոշմ, որով խարազանում էին հանցագործներին և ստրուկներին։ Ամեն դեպքում դաջվածքը որոշակի տեղեկատվություն է հաղորդում մարդու կյանքում տեղի ունեցած իրադարձությունների մասին։ 🙂

 

Այսօր դաջվածքների մասին խոսելիս, պետք չէ մոռանալ, որ այն թույլատրվում է անել միայն հատուկ մասնագիտացված սրահներում` խիստ պահպանելով հիգիենային բոլոր կանոնները, քանի որ միջամտությունը կրում է մի շարք առողջական վտանգներ, նաև այդ ճանապարհով կարող են փոխանցվել հեպատիտ B, C, ՄԻԱՎ-ը և մի շարք այլ վտանգավոր հիվանդություններ:

 

Կազմեց Monika Makaryan-ը: