Մայիսը հաղթանակների ամիս է, իսկ մայիսի 9-ը` կրկնակի հաղթանակների օր: Հայաստանում այսօր Հաղթանակի և խաղաղության տոն է, մեր հայրերի և պապերի տարած մեծ հաղթանակի տոնը, իսկ Լեռնային Ղարաբաղում՝ Եռատոնը:

Հարյուր հազարավոր հայորդիներ կռվեցին իրենց հայրենիքի ազատության և լուսավոր ապագայի համար, պայքարելով բոլոր ճակատներում, մարտի դաշտում և թիկունքում: Հայրենական պատերազմի հերոսի կոչում ստացել է 99 հայ, Նելսոն Ստեփանյանն ու մարշալ Հովհաննես Բաղրամյանը՝ կրկնակի հերոսներ են:

Մայիսի 9-ը մեզ համար վերաիմաստավորվեց և վերարժևորվեց 1992 թ.-ին Շուշիի ազատագրմամբ: Շուշիի ազատագրումը Արցախի կյանքի և մահվան հարցն էր, և հայ ազատամարտիկները մայիսի 9-ին կրկնեցինք իրենց հայրերի ու պապերի սխրանքը՝ ազատագրելով Շուշին և բեկելով պատերազմի ընթացքը:

Այսօր մենք հարգանքի և երախտագիտության տուրք ենք մատուցում մեր հերոս նախնիների պայծառ հիշատակին, ովքեր ընկան իրենց հայրենիքի ազատության համար պայքարում: