Լավագույնը հարաբերությունների և սիրո մասին: Ռեալ ժամանակի պայմաններում:

Դեռահասները հորդորում են զերծ մնալ ծխախոտից

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Օրեր առաջ  «Մխիթար Սեբաստացի» կրթահամալիրի քոլեջի սաները կազմակերպեցին հատուկ բաց դաս-քննարկում` նվիրված ծխախոտի օգտագործման հետևանքներին: Քննարկմանը որպես հյուր մասնակցեցին Teenslive.am հարթակի համակարգող-բժիշկները:

Ուսանողները պատրաստեցին տպավորիչ ներկայացում ծխախոտի ազդեցության մասին, կիսվեցին գիտական փաստարկներով և վիճակագրական տվյալներով, մտքեր փոխանակեցին իրենց հետաքրքրող հարցերի շուրջ:

Կրթահամալիրի ուսանողները նաև անցկացրեցին փոքրիկ հարցում փողոցի անցորդների շրջանում` իրենց ծխելու և ծխախոտից հրաժարվելու փորձի մասին: Բավականին տպավորիչ էր նաև նույն կրթահամալիրի մանկապարտեզի ավագ խմբի սաների խոսքն` ուղղված մեծահասակներին, չծխելու կոչով: Ի դեպ, այդ տեսանյութը ևս ամբողջությամբ պատրաստեցին քոլեջի ուսանողները 🙂

Միջոցառման կարգախոսն էր «Ծխախոտի փոխարեն օգտագործենք օգտակար խոտաբույսերից թեյեր»: Վերջում բոլոր ներկաները հյուրասիրվեցին դեռահասների իսկ ձեռքերով պատրաստված համեղ թեյով, տնական մուրաբաներով և մրգային կարկանդակով: 🙂

Կեցցե՜ն մեր ակտիվ դեռահասները:

 

Կիսվեք ձեր հետաքրքիր նախաձեռնություններով մեր խմբում և քաջալերե՛ք հասակակիցներին նույնպես պայքարել ծխախոտի դեմ: