Լավագույնը հարաբերությունների և սիրո մասին: Ռեալ ժամանակի պայմաններում:

Բոլորս` դեպի թանգարաններ

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Այսօր` մայիսի 18-ին, աշխարհի տարբեր երկրներում նշվում է թանգարանների միջազգային օրը (International Museum Day):

Թանգարանների միջազգային օրը նշվում է 1977 թվականից` Թանգարանների միջազգային խորհրդի նախաձեռնությամբ: Օրվա նպատակն է բարձրացնել թանգարանների դերը հասարակության սոցիալ-մշակութային կյանքում, ստեղծել նպաստավոր միջավայր թանգարանային առարկաների հանրահռչակման համար:

Թանգարանների միջազգային օրվա շրջանակում իրականացվում է մի հետաքրքիր նախաձեռնություն` «Թանգարանների գիշեր», երբ տարբեր թանգարաններ իրենց դռներն են բացում այցելուների առջև և աշխատում են մինչև գիշերվա ուշ ժամը☺️ Այդ ակցիային միանում են հազարավոր թանգարաններ աշխարհի տարբեր երկրներում` հնարավորություն ընձեռելով մեկ անգամ ևս հետադարձ հայացք գցելու մարդկության հազարամյակների պատմությանն ու մշակութային ժառանգությանը:

«Թանգարանների գիշեր» ծրագիրը մեկնարկել է 2005 թվականից`  Ֆրանսիայի մշակույթի և հաղորդակցության նախարարության նախաձեռնությամբ` Թանգարանների միջազգային խորհրդի, ՅՈՒՆԵՍԿՕ-ի և Եվրախորհրդի հովանավորությամբ:

 

Այսօր լավ առիթ է այցելելու մի նոր հետաքրքիր թանգարան, որտեղ նախկինում չես եղել և ստանալու օգտակար տեղեկատվություն և դրական հույզեր 🙂

Իսկ հետո անպայման կիսվիր քո վառ տպավորություններով մեր խմբում: