Լավագույնը հարաբերությունների և սիրո մասին: Ռեալ ժամանակի պայմաններում:

Այսօր գնում ենք թատրոն

Այլ նորություններ

Նոր տեսանյութեր դեռահասների համար
Սիրելի՛ դեռահաս, Արդեն հասանելի են նոր զվարճալի տեսանյութեր դեռահասներին հուզող թեմաներով, որոնք ստեղծվել են Ջինիշյան հիշատակի հիմնադրամի կողմից, «Արաբկիր» ԲՀ-ԵԴԱԻ մասնագետների հետ համագործակցությամբ։ Տեսանյութերը նվիրված են էներգետիկ ըմպելիքներին, էլեկտրոնային ծխախոտի վտանգներին, մարմնի սահմաններին և մարմնի ընկալման հետ կապված խնդիրներին։ Համոզված ենք, որ կհավանես մեր նորաստեղծ տեսանյութերը, քեզ արդեն ծանոթ հերոսների մասնակցությամբ :-) Եղի՛ր տեղեկացված և իրազեկի՛ր նաև ընկերներիդ։   Մարմնի սահմանները Մարմնի ընկալում Էլեկտրոնային սիգարետների վտանգները Էներգետիկ ըմպելիքների վտանգները։  
Տեղադրված է 06.06.2025 , 12:28…  ավելին →

Այսօր` մարտի 27-ին նշվում է թատրոնի համաշխարհային օրը (World Theater Day):

Այն հիմնադրվել է 1961 թվականին, Թատրոնի միջազգային ինստիտուտի IX կոնգրեսի ժամանակ և ամեն տարի մարտի 27-ին նշվում է միջազգային թատերական միությունների կողմից: Թատրոնի համաշխարհային օրվա առիթով առաջին միջազգային ուղերձը 1962 թվականին գրել է ֆրանսիացի գրող և նկարիչ Ժան Կոկտոն:

Այն ավանդաբար նշվում է միասնական նշանաբանի ներքո՝ «Թատրոնը՝ որպես փոխըմբռնման և ժողովուրդների միջև խաղաղության ամրապնդման միջոց»:

Թատրոն բառն առաջացել է հին հունական theatron բառից, որը նշանակում է «վայր, որտեղ դիտում են»: Այն առաջացել է Հին Հունաստանում Դիոնիսոսին նվիրված ծիսակատարություններից: Հայտնի էին երկու ժանր՝ ողբերգություն և կատակերգություն, որոնք ունեին դիցաբանական կամ պատմական բովանդակություն: Ի դեպ, բոլոր դերերը խաղում էին տղամարդիկ:

Թատերական առաջին բեմադրության մասին հիշատակումը թվագրվում է մ.թ.ա. 2500 թվականով: Թատերական առաջին ներկայացումը տեղի է ունեցել Եգիպտոսում, սյուժեն եգիպտական առասպելաբանության կերպարներն էին՝ Օսիրիս աստծու պատմությունները:

Ամբողջ աշխարհում այսօր կազմակերպվում են թատերական փառատոններ և ներկայացումների պրեմիերաներ: