Լավագույնը հարաբերությունների և սիրո մասին: Ռեալ ժամանակի պայմաններում:

Ո՞րն է լավագույն սննդակարգը

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Մեր հոդվածներում մենք բազմիցս ենք անդրադարձել առողջ սնուցման գաղտնիքներին:

Հիշեցնելու կարգով` առողջ է համարվում մարդու տարիքին, սեռին և ֆիզիկական ակտիվության մակարդակին համապատասխանող, բոլոր անհրաժեշտ սննդանյութեր պարունակող, բազմազան սննդակարգը: Առողջ սննդակարգում որպես կանոն սահմանափակվում է այսպես կոչված «արագ սնունդը» (անառողջ ածխաջրատներով և ճարպերով հարուստ):

Վերջերս ԱՄՆ լրատվամիջոցներում հրապարակվեց լավագույն սննդակարգը. այդ կոչումը ստացավ միջերկրածովյան սննդակարգը, ի դեպ, 5-րդ անգամ անընդմեջ: 🙂  Մասնագետները խորհուրդ են տալիս մեծահասակներին, հատկապես նրանց, ովքեր ունեն սիրտանոթային հիվանդությունների և շաքարախտի բարձր ռիսկ, հետևել հենց այդ սննդակարգին, որը շատ լավ ուսումնասիրված է և հավաստիորեն նվազեցնում է նշված հիվանդությունների զարգացման ռիսկը:

Այդ սննդակարգը առանձնանում է բուսական ծագման սննդամթերքների բարձր քանակով` տարբեր տեսակի բանջարեղեն, մրգեր, լոբազգիներ, ընկուզեղեն և սերմեր, ամբողջահատիկ ձավարեղեն: Միևնույն ժամանակ սահմանափակվում են հագեցած ճարպը և քաղցրավենիքը: Իրականում այն ոչ թե հատուկ սննդակարգ է, այլ կենսակերպ: 🙂

Ինչևէ, բոլոր դեպքերում սննդակարգը անհրաժեշտ է քննարկել բժշկի հետ:

Իսկ վերջում, մեր մշտական ուղերձը. սնվե՛ք առողջ և հետևե՛ք ձեր ապրելակերպին:

 

Աղբյուր` https://www.healio.com/