Հունիսի 26-ը թմրանյութերի օգտագործման և ապօրինի շրջանառության դեմ պայքարի միջազգային օրն է (International Day Against Drug Abuse and Illicit Trafficking):

Այդ օրը նշելու մասին որոշումն ընդունվել է 1987թ.-ին ՄԱԿ-ի Գլխավոր Ասամբլեայի կողմից, «Թմրամիջոցների չարաշահման և ապօրինի շրջանառության դեմ միջազգային խորհրդաժողովի» միջնորդությամբ:

Ամեն տարի հունիսի 26-ին միջազգային հանրությունը հիշեցնում է բոլորին, որ թմրամիջոցները մեծ չարիք են, և մարդկության գլխավոր նպատակներից է թմրամոլությունից զերծ հասարակություն ստեղծելը:

Թմրանյութերի դեմ պայքարն արդեն շուրջ 100 տարվա պատմություն ունի, սակայն առայժմ հարցին լուծում չի տրվել, և տարեկան տասնյակ հազարավոր մարդիկ թմրանյութերի զոհ են դառնում:

Թմրամոլությունը կարող է թակել ցանկացած ընտանիքի դուռ, իսկ դեռահասներն ու երիտասարդները առավել խոցելի են թմրանյութերի հանդեպ 🙁

«Օգտակար ռեսուրսներ» բաժնում դիտիր հետաքրքիր տեսահոլովակ թմրամիջոցների ազդեցության մասին:

Եղի՛ր իրազեկված և պաշտպանված: