Վիտամին Դ և COVID-19
Այլ նորություններ
Վիտամին Դ-ն բոլորին հայտնի է իբրև օրգանիզմում կալցիումի և ֆոսֆորի փոխանակության և ոսկրերի ամրության համար կարևոր նյութ: Այնուամենայնիվ, վիտամին Դ-ի ֆունկցիաները բազմաթիվ են. այն անհրաժեշտ է օրգանիզմում տեղի ունեցող տարբեր գործընթացների, այդ թվում իմունային (պաշտպանական) համակարգի կանոնավոր աշխատանքի համար: Մասնավորապես, հստակ ապացուցվել է վիտամին Դ-ի դերը սուր շնչառական վարակների կանխարգելման մեջ:
Վերջին հետազոտությունները, կապված կորոնավիրուսի համավարակի հետ, ուսումնասիրելով բնակչության տարբեր խմբերի շրջանում հիվանդացությունը և մահացությունը, ևս մեկ անգամ հաստատել են վիտամին Դ-ի կարևոր դերը:
Պարզվեց, որ վիտամին Դ-ի դեֆիցիտի պայմաններում դիտվում է COVID-19 հիվանդության ավելի ծանր ընթացք և անբարենպաստ ելքի ավելի բարձր հավանականություն, հատկապես ծեր պացիենտների շրջանում:
Հաշվի առնելով այդ կապը` Մեծ Բրիտանիայի առողջապահության նախարարությունը խորհուրդ է տվել բոլոր բնակիչներին հետևել վիտամին Դ-ի մակարդակին և հաշվի առնելով ինքնամեկուսացման և երկար ժամանակ տանը մնալու անհրաժեշտությունը՝ ընդունել վիտամին Դ: