Առաջին անգամ հայ գիտնականը արժանացել է Նոբելյան մրցանակի: Այս տարի Ֆիզիոլոգիայի և բժշկության գծով Նոբելյան մրցանակը շնորհվել է Դևիդ Ջուլիուսին և Արտեմ Պատապուտյանին (Ardem Patapoutian):

Այս հեղինակավոր մրցանակը շնորհվել է շոշափական և ջերմազգաց ընկալիչների ուսումնասիրման և կատարված բացահայտումների համար:

Արտեմ Պատապուտյանը մոլեկուլային կենսաբանության և նյարդաբանության բնագավառների գիտնական է, ներկայումս աշխատում է  Կալիֆորնիայի «Scripps Research» հետազոտական ինստիտուտում (Սան Դիեգո, ԱՄՆ):

2020 թվականին Պատապուտյանը դարձյալ Դևիդ Ջուլիուսի հետ կիսել էր հեղինակավոր Կավլիի մրցանակը նյարդավիրաբուժության ոլորտում:

Ի դեպ, 2016 թ. մայիսին Արտեմ Պատապուտյանը Երևանում հանդես է եկել դասախոսություններով ԵՊԲՀ-ում և ՀՀ ԳԱԱ մոլեկուլային կենսաբանության ինստիտուտում: Այցը կազմակերպվել էր Երիտասարդ գիտնականների աջակցության ծրագրի նախաձեռնած՝ արտասահմանում աշխատող հայ մեծանուն գիտնականների դասախոսությունների շարքի շրջանակներում:

Նյութի աղբյուր` http://scs.am/ 

Նկարի աղբյուր` https://www.scripps.edu/