Այլ նորություններ
Մոլախաղեր, գեյմինգ և կախվածություն
Երբևէ լսե՞լ ես խաղային կախվածության (gambling) մասին։ «Խաղամոլությունը» մեր ժամանակներում տարածված խնդիր է, հատկապես՝ առցանց տիրույթում։ Մոլեխաղն այն գործընթացն է, երբ խաղում են՝ խաղադրույք կատարելով արժեքավոր որևէ բանի վրա՝ շահում ստանալու ակնկալիքով։ Հաճախ խաղացողները գումար են վտանգում՝ ավելի մեծ գումար շահելու հույսով։ :-( Մոլեխաղերը տեղի են ունենում կազինոներում և այլ վայրերում, այդ թվում՝ համացանցում։ Տարածված տեսակներն են՝ վիճակախաղեր, ակնթարթային խաղեր, օրինակ՝ քերովի տոմսեր, բինգոյի տիպի տոմսեր, սպորտային խաղադրույքներ, կազինոյի խաղեր, օրինակ՝ սլոթ-մեքենաներ և սեղանի խաղեր, թղթախաղեր…
Տեղադրված է 25.08.2026 , 09:40…
ավելին →
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։ 🙂
1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ օրով անջատում են բոլոր տեխնիկական միջոցները, գաջեթները, չեն օգտվում անձնական մեքենայից և հեռախոսներից:
Նաև «Առանց գնումների օրվա» շրջանակներում ակտիվիստները ցույցեր և տարբեր միջոցառումներ են կազմակերպում առևտրի կենտրոններում, ցուցադրում են «հակագովազգային» տեսահոլովակներ, որոնք պատմում են ավելորդ և չմտածված սպառման խնդրի և դրա հետևանքների մասին: 🙁
Գնումներից հրաժարվելու օրը միտումնավոր է նշվում նշանավոր «սև ուրբաթի» օրը, երբ զգալի զեղչերի հետևից ընկած մարդիկ «կորցնում են գլուխը» և ձեռքբերում ոչ պետքական ապրանքներ:
Հոգեբանները ապացուցել են, որ այս ակցիան մեծ իմաստ ունի. այն մարդկանց ուշադրությունը գրավում Է գերսպառման խնդրի, շրջակա միջավայրին հասցվող վնասի և շոպինգից կախվածության վրա։
