Այլ նորություններ
«Իմ առողջությունը, Իմ իրավունքը» թվային արվեստի գործերի մրցույթ
«Առողջության համաշխարհային օր 2024» արշավի շրջանակում ԱՀԿ Հայաստանը ՀՀ առողջապահության նախարարության հետ համատեղ և ՅՈՒՆԵՍԿՕ ԿՏՏԻ TeensLIVE Հայաստան նախագծի հետ համագործակցությամբ հայտարարում է թվային արվեստի գործերի մրցույթ՝ «Իմ առողջությունը, Իմ իրավունքը» խորագրի ներքո։ Կընդունվեն 13-18 տարեկան դեռահասների այն ստեղծագործությունները, որոնք նվիրված են ստորև նշված թեմաներին․ Առողջ ապրելակերպ Հոգեկան առողջություն Առողջություն և շրջակա միջավայր Կընդունվեն հետևյալ տեսակների աշխատանքներ․ թվային նկար կոնցեպտուալ արվեստ ֆոտո-նկարչություն 2D/3D թվային նկար պիքսելային արվեստ/գրաֆիկա թվային կոլաժ Աշխատանքը ներկայացնելու պայմանները, ինչպես նաև այլ…
Տեղադրված է 29.04.2024 , 13:57…
ավելին →
Օգտագործո՞ւմ ես սմայլիկլներ քո առօրա հաղորդագրություններում: Կարծում ենք` այո: Իսկ դու գիտե՞ս, թե ով է դրա հեղինակը և երբ է այն ստեղծվել:
Էմոջի (ճապոներենից՝ նկար, նշան, սիմվոլ)` գաղափարագրերի և սմայլիկների լեզու է, որն օգտագործում են էլեկտրոնային նամակներում և կայքէջերում: Այն հայտնվել է Ճապոնիայում և տարածվել է ամբողջ աշխարհում: Ներկայումս էմոջի նշանների թիվը ավելի քան 2000 է: 😮
Այդ նշանները խորհրդանշում են մարդու տրամադրությունը, հույզերը և կյանքի առանձին իրադարձությունները: Այդ նշանների միասնությունը կազմում է այսպես կոչված էմոջի գրաֆիկական լեզուն, որտեղ բառերի փոխարեն օգտագործվում են փոքրիկ նկարներ:
Առաջին էմոջին ստեղծվել է 1998 թ.-ին Շիգետակա Կուրիտանի կողմից, ով i-mode բջջային ինտերնետի հարթակի վրա աշխատող խմբի անդամ էր: Առաջին էմոջիների հավաքագրումը, որը կազմված էր 172 նշաններից 12×12 պիքսել չափով, մշակվել էր i-mode-ի հաղորդագրությունների փոխանակման ֆունկցիաների կազմում, որպեսզի էլեկտրոնային շփումն ավելի մատչելի դառնա:
Որոշ էմոջիների նշաններ ունեին հատուկ նշանակություն ճապոնական մշակույթում, օրինակ՝ խոնարհվող բիզնեսմենը, սպիտակ ծաղիկը, որը նշանակում է տնային աշխատանքի հիանալի կատարում, կամ հայտնի ուտելիքների նշանների խումբ՝ ռամեն, դանգո, օնիգիրի և սուշի:
Էմոջիի համեմատ, էմոտիկաները առաջացել են որպես տպագրական միջոցներով զգացմունքներ արտահայտող նկարներ: Որոշ էմոջիներ, որոնք ունեին դեմքի տեսք, դասում են էմոտիկաներին:
Ի դեպ, հուլիսի 17-ին նշվում է էմոջիի համաշխարհային օրը (World Emoji Day): 😊