Այլ նորություններ
ՁԻԱՀ-ի դեմ պայքարի համաշխարհային օր
Դեկտեմբերի 1-ը ՁԻԱՀ-ի դեմ պայքարի համաշխարհային օրն է: Օրվա նպատակն է բարձրացնել իրազեկվածությունը, միահամուռ ուժերով պայքարել ՄԻԱՎ/ՁԻԱՀ-ի դեմ, խոսել հիվանդության կանխարգելման միջոցառումների, պացիենտների բուժման մասին։ «Արաբկիր» ԲՀ-ԵԴԱԻ-ի մասնագետների կողմից մի քանի տարի առաջ ստեղծվել են երիտասարդ լսարանին ուղղված ֆիլմեր՝ ՄԻԱՎ-ով ապրող մարդկանց նկատմամբ հասարակությունում խարանի և խտրական վերաբերմունքի դեմ ուղղված ծրագրի շրջանակներում: Ֆիլմերը հասանելի են «Օգտակար ռեսուրսներ» բաժնում։ Մեր կայքում կարող ես գտնել նաև մի շարք հոդվածներ ՄԻԱՎ-ի մասին։ Եղի՛ր իրազեկված և պաշտպանված։
Տեղադրված է 01.12.2023 , 14:00…
ավելին →
Հայտնի է, որ մարդու առոջական վիճակը մեծապես պայմանավորված է նրա կենսակերպով, իսկ պատասխանատու վարքագիծը թույլ է տալիս կանխարգելել մի շարք հիվանդություններ, ինչպես քրոնիկ ոչ վարակիչ, այնպես էլ վարակիչ (նաև շատ վնասվածքներ 🙂 )։
Հիշեցնենք այդ հիվանդությունները և դրանց առաջացմանը նպաստող վարքագիծը։
- Ծխելը նպաստում է անոթների, սրտի, գլխուղեղի, թոքերի և այլ օրգանների վնասմանը՝ առաջացնելով սիրտանոթային, շնչառական, քաղցկեղային հիվանդություններ և շաքարային դիաբետ։ Այդ հիվանդություններն ունեն երկարատև ընթացք և պահանջում են տևական բուժում և հսկողություն, այդ պատճառով կոչվում են քրոնիկ ոչ վարակային հիվանդություններ։
- Անառողջ սննդակարգը և ցածր ֆիզիկական ակտիվությունը նպաստում են ավելցուկային քաշին, սրտանոթային, քաղցկեղային հիվանդություններին և շաքարային դիաբետին։ Վնասակար վարքագծային գործոնների շարքում է նաև ալկոհոլի օգտագարծումը։
Ինչ վերաբերում է վարակիչ հիվանդություններին, այստեղ ևս մեծ դեր ունի մեր առողջական վարքագիծը։
- Վարակիչ հիվանդությունները (օրինակ՝ գրիպը, ՔՈՎԻԴ-19, որովայնային տիֆը, դիզենտերիան, կարմրուկը) կարելի է կանխարգելել ինչպես պահպանելով անձնական հիգիենայի կանոնները, այնպես էլ հատուկ կանխարգելիչ պատվաստումների միջոցով։
- Պատվաստումների միջոցով կարելի է կանխարգելել մի շարք վտանգավոր հիվանդություններ, որոնցից են դիֆթերիան, փայտացումը, կատաղությունը, կարմրուկը, հեպատիտները և այլն։
Ուրեմն, սովորի′ր պատասխանատվություն ստանձնել սեփական վարքագծի և առողջության համար և ապրի′ր ԱՌՈՂՋ։