Լավագույնը հարաբերությունների և սիրո մասին: Ռեալ ժամանակի պայմաններում:

Կարևոր խոսքեր

Այլ նորություններ

Օգտագործո՞ւմ ես էմոջի
Օգտագործո՞ւմ ես սմայլիկլներ քո առօրա հաղորդագրություններում: Կարծում ենք` այո: Իսկ դու գիտե՞ս, թե ով է դրա հեղինակը և երբ է այն ստեղծվել: Էմոջի (ճապոներենից՝ նկար, նշան, սիմվոլ)` գաղափարագրերի և սմայլիկների լեզու է, որն օգտագործում են էլեկտրոնային նամակներում և կայքէջերում: Այն  հայտնվել է Ճապոնիայում և տարածվել է ամբողջ աշխարհում: Ներկայումս էմոջի նշանների թիվը ավելի քան 2000 է:  :-o Այդ նշանները խորհրդանշում են մարդու տրամադրությունը, հույզերը և կյանքի առանձին իրադարձությունները: Այդ նշանների միասնությունը կազմում է այսպես կոչված էմոջի գրաֆիկական լեզուն, որտեղ բառերի…
Տեղադրված է 17.07.2021 , 11:12…  ավելին →

Այս նյութը լավ կլինի, որ կարդան դեռահասներն իրենց ծնողների հետ միասին: 🙂

Խոսքը գնում է դեռահասների և ծնողների արդյունավետ շփման գաղտնիքների մասին:

LUDI ռուսական կրթական պորտալը վերջերս հարցումներ է անցկացրել դեռահասների շրջանում՝ ճշտելով, թե ինչպիսի խոսքերն են նրանք ցանկանում լսել իրենց ծնողներից: Եվ այսպես.

 

  • Ես հպարտանում եմ քեզնով, ապրե՛ս: Հոգեբանները պնդում են, որ նման գովասանքը խթնում է երեխային (և դեռահասին) կատարելագործվելու և օգնում է չհիասթափվել հնարավոր անհաջողություններից:
  • Ի՞նչ ես մտածում այդ մասին: Ինձ համար կարևոր է իմանալ քո կարծիքը: Հաճախ մենք՝ ծնողներս, պատշաճ ուշադրություն չենք դարձնում դեռահասի կյանքում տեղի ունեցող իրադարձությունների բոլոր մանրամասներին և ի պատասխան «ո՞նցա գործերդ» հարցադրման լսում ենք «նորմալ»: 🙁 Մինչդեռ, ընտանիքում շատ կարևոր է զրուցել տարբեր թեմաներով և հարցնել միմյանց կարծիքը:
  • Մենք սիրում ենք քեզ այնպիսին, ինչպիսին դու կաս, ցանկացած վիճակում: Մենք ուզում ենք, որ դու լինես երջանիկ: Ցանկացած մարդ, հատկապես երեխան պետք է իմանա, որ նրան սիրում և սպասում են իր ընտանիքում, անկախ ստացած գնահատականներից կամ որևէ անախորժությունից: Հաճախ կրկնեք, որ սիրում եք ձեր երեխաներին և առհասարակ հարազատ մարդկանց:
  • Շնորհակալությո՜ւն: Մենք սպասում ենք շնորհակալական խոսքերի, երբ որևէ բան ենք անում ուրիշների համար, այդ թվում և մեր երեխաների: Մինչդեռ, ոչ միշտ ենք շնորհակալություն ասում երեխային: Սակայն մեզ սովորական թվացող որևէ գործողություն կարող է բարդ թվալ երեխայի համար, և նա սպասում է, որ իրեն կգովեն: Այսպիսով, մենք ցույց կտանք, որ գնահատում ենք նրա արարքը և գործադրած ջանքերը:

 

Ուրեմն, ասե՛նք միմյանց ճիշտ խոսքեր:

 

Շարունակելի:

 

Աղբյուր՝ mel.fm