Լավագույնը հարաբերությունների և սիրո մասին: Ռեալ ժամանակի պայմաններում:

Հոգ տար քո մասին

Այլ նորություններ

Հոգեկան առողջությունը առցանց տիրույթում
Առցանց լինելը մեծ հնարավորություններ է տալիս հաղորդակցվելու, սովորելու և կիսվելու կարևոր նորություններով, բայց նաև մարտահրավերներ է պարունակում: Եթե ​​սոցիալական մեդիան երբևէ ստիպել է ունենալ նախանձի, միայնակության կամ անհանգստության զգացում, ցածր ինքնագնահատական, կարդա՛ այս հոդվածը (1-ին մասն այստեղ)։ Շարունակում ենք ներկայացնել այն խորհուրդները, որոնք կօգնեն հոգալ քո հոգեկան առողջության մասին առցանց տիրույթում: Ընտրի՛ր բարությունը․ Օգտագործիր սոցիալական մեդիան՝ կիսվելով դրական և աջակցող բովանդակությամբ և հաղորդագրություններով քո ընկերների և հարազատների հետ: Օրինակ՝ կարող ես գրել, որ մտածում ես…
Տեղադրված է 03.02.2025 , 12:21…  ավելին →

Շատերին է հայտնի մի երևույթ, երբ արձակուրդներից կամ հանգստից հետո քեզ տարօրինակ ձևով զգում ես հոգնած և անտրամադիր։ 🙁 Ինչպե՞ս ազատվել այդ զգացողությունից և զգալ էներգիայով լի։

Մի քանի գործնական խորհուրդ․

  • Լսի՛ր քո մարմինը, մարմնի պահանջները․ օրինակ՝ եթե ամբողջ օրդ անցնում է նստակյաց, մի՛ պառկիր բազմոցին, քանի դեռ չես ծախսել բավականաչափ էներգիա։ Կատարի՛ր ֆիզիկական վարժություններ կամ պարզապես զբոսնիր։ Մենք բազմիցս ենք գրել այն մասին, որ ֆիզիկական ակտիվությունն օգտակար է ոչ միայն ֆիզիկական, այլ նաև հոգեկան առողջության համար։
  • Ժամանակ տրամադրիր ինքդ քեզ, քո սիրած զբաղմունքներին։ Արա՛ այն, ինչ քեզ հանգստություն և բավականություն է տալիս, և մի քանի ժամով մոռացիր առօրյա գործերի և հոգսերի մասին։
  • Կարճատև քուն մտիր կամ գտիր հանգիստ տեղ, փակիր աչքերդ և 10-15 րոպե հանգստացիր՝ ազատելով ուղեղդ ավելորդ մտքերից։
  • Ժամանակին գնա քնելու և քնից առաջ դադա՛ր տուր սոց․ ցանցերից։
  • Գրի՛ առ հետաքրքիր մտքերդ կամ պլաններդ։ Օրագրում գրառումներ կատարիր դրական իրադարձությունների, քո ձեռքբերումների մասին կամ պարզապես թղթի հանձնիր քո զգացողությունները կամ հույզերը։ Ի դեպ, ձեռքով գրելը ազատում է մարդուն սթրեսից։

Ավելի շատ խորհուրդներ այս հոդվածում:

Հո՛գ տար սեփական մարմնի մասին, և քեզ կզգաս լիարժեք հանգստացած, լիցքաթափված ու պատրաստ նոր ձեռքբերումների։ 🙂