Լավագույնը հարաբերությունների և սիրո մասին: Ռեալ ժամանակի պայմաններում:

Ինչ է մայնդֆուլնես մտային վարժանքը

Այլ նորություններ

Ինչպես ճանաչել գերհոգնածությունը
Գերհոգնածությունը առաջանում է երկարատև ֆիզիկական կամ մտավոր ակտիվության հետևանքով։ Այն կարող է ի հայտ գալ հանկարծակի կամ աստիճանաբար և սովորաբար վերանում է հանգստից հետո։ Մտավոր հոգնածությունը նորմալ ճանաչողական գործունեության իրականացման ժամանակավոր անկարողություն է։ Սովորաբար զարգանում է աստիճանաբար։ Գերհոգնածության հոգեհուզական նշաններից են տրամադրության անկումը, ուշադրությունը պահպանելու և կենտրոնանալու դժվարությունը, քնկոտությունը, քնի և ախորժակի խանգարումները, սովորելու դժվարությունները, սոցիալական շփումների խանգարումը, հաճույքի և բավարարվածության զգացումի կորուստը։ :-( Ֆիզիկական հոգնածությունը կապված է ֆիզիկական աշխատանքի հետ։ Թեթևակի հոգնածության նշաններն են՝…
Տեղադրված է 16.02.2024 , 13:26…  ավելին →

Առօրյա խնդիրներով մտահոգված` մենք ապրում ենք այս կյանքը շտապելով և հաճախ ուշադրություն չենք դարձնում կարևոր մանրունքներին: 🙁

Մայնդֆուլնես (mindfullness) մտային վարժանքը մանրունքների գիտակցման պրակտիկաներ են, երբ մեր ուղեղը վարժեցնում ենք կենտրոնանալ որևէ բանի վրա, մասնավորապես` դրական երևույթի, և չենք ցրում ուշադրությունը:

Գիտնականները ապացուցել են, որ նման պրակտիկաները թույլ են տալիս նկատել կյանքի դրական կողմերը և հաճույք ստանալ մանրունքներից, նվազեցնում են տագնապի մակարդակը, օգնում են ավելի լավ կառավարել սեփական հույզերը: Մայնդֆուլնես տեխնիկան աշխատում է որպես մեդիտացիա, և այն կիրառող մարդիկ ավելի լավ են դիմակայում տարբեր անբարենպաստ ազդակներին և նույնիսկ ավելի երկար են ապրում:

Եվ այսպես, օրվա ընթացքում, արթնանալու պահից սկսած` ուշադրություն դարձրեք ձեր զգացողություններին, շրջապատին, ուսումնասիրեք տարբեր երևույթներ և մարդկանց, վարժեցրեք զգայարանները և հիշեք ձեր տպավորությունները, սովորեք չշտապել և նկատել բնության գեղեցկությունը և կյանքի բազմազանությունը: Աշխատելիս կամ դաս անելիս` կենտրոնացեք ձեր գործողության վրա և մի ցրվեք:

Օրվա ավարտին վերհիշեք բոլոր իրադարձությունները և գտեք 3 դրական բան, որի համար կարող եք շնորհակալություն հայտնել այդ օրվան: 🙂

Կանոնավոր պրակտիկաների արդյունքում ուղեղը կսովորի կենտրոնանալ կյանքի դրական կողմերի վրա, իսկ ներքին լարվածությունը և սթրեսը կպակասեն:

Հաջողությո′ւն ենք ցանկանում: