Հոգեբանական աջակցության թեժ գիծ
Այլ նորություններ
Մոլախաղեր, գեյմինգ և կախվածություն
Երբևէ լսե՞լ ես խաղային կախվածության (gambling) մասին։ «Խաղամոլությունը» մեր ժամանակներում տարածված խնդիր է, հատկապես՝ առցանց տիրույթում։ Մոլեխաղն այն գործընթացն է, երբ խաղում են՝ խաղադրույք կատարելով արժեքավոր որևէ բանի վրա՝ շահում ստանալու ակնկալիքով։ Հաճախ խաղացողները գումար են վտանգում՝ ավելի մեծ գումար շահելու հույսով։ :-( Մոլեխաղերը տեղի են ունենում կազինոներում և այլ վայրերում, այդ թվում՝ համացանցում։ Տարածված տեսակներն են՝ վիճակախաղեր, ակնթարթային խաղեր, օրինակ՝ քերովի տոմսեր, բինգոյի տիպի տոմսեր, սպորտային խաղադրույքներ, կազինոյի խաղեր, օրինակ՝ սլոթ-մեքենաներ և սեղանի խաղեր, թղթախաղեր…
Տեղադրված է 25.08.2026 , 09:40…
ավելին →
(060) 834 777 Գրանցե՛ք այս թեժ գծի հեռախոսահամարն ու կիսե՛ք այն ձեր մտերիմների հետ։ԱՀԿ -ի աջակցությամբ 10 հոգեբան համալրեց «ԱՄԲՐԱ» հոգեկան բարեկեցության կենտրոնի թեժ գծի օպերատորների շարքերը՝ պատրաստ արձագանքելու հոգեբանական օգնության կարիք ունեցող բոլոր անձանց կարիքներին։
Այս հոգեբանական աջակցության թեժ գծի ծառայությունները հատուկ ընդլայնվել են՝ Հայաստան մուտք գործած փախստականներին ժամանակին ու պատշաճ կերպով հոգեսոցիալական աջակցություն ցուցաբերելու նպատակով։
Աշխատելով ամեն օր՝ առավոտյան ժամը 8-ից մինչ կեսգիշեր՝ թեժ գծի օպերատորները կպատասխանեն ձեր զանգերին, ձեզ կտրամադրեն խորհրդատվություն, անհրաժեշտության դեպքում նաև՝ կուղղորդեն այլ մարմիններին։Ծառայության համալրումն ու հոգեբանների պատրաստումը հնարավոր դարձան Առողջապահության համաշխարհային կազմակերպության՝ Հայաստանում հոգեկան առողջության ոլորտում առկա բացերին ուղղված ծրագրի (#mhGAP) շրջանակներում, որն իրականացվում է Եվրոպական հանձնաժողովի քաղաքացիական պաշտպանության և մարդասիրական օգնության դեպարտամենտի ֆինանսավորմամբ։
Նյութի աղբյուր՝ World Health Organization – WHO Country Office in Armenia