Լավագույնը հարաբերությունների և սիրո մասին: Ռեալ ժամանակի պայմաններում:

Հետաքրքիր փաստեր սիրո մասին

Այլ նորություններ

Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ  ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…  ավելին →

Վերջերս ԱՄՆ-ում անցկացված շուրջ 5700 դեռահասների հարցման միջոցով ուսումնասիրվել են նրանց զգացմունքները և կարծիքը սիրո մասին: Պարզվել է, որ հարցվածների 46% ներկա պահին կամ ոչ հեռու անցյալում սիրահարված էին, իսկ 11% դեռ չեն սիրահարվել: Հետաքրքիական է, որ բավականին մեծ տոկոսը (43%) վստահ չէ, արդյոք դա սեր է, թե սիրահարվածություն:

Հարցված տղաների մեծ մասը սերը բնորոշել են ֆիզիկական գրավչությամբ, նշելով, որ իրենց դուր է եկել աղջկա դեմքը, մազերը կամ մարմինը:

Մասնագետների կարծիքով դա իրականություն է, և տղաների համար կարևոր է առաջին տպավորությունը, որ ստանում են հիմնականում արտաքին տեսքից: Նրանք պետք է մի քիչ հասունանան, որպեսզի սկսեն նախապատվություն տալ աղջիկների մարդկային հատկանիշներին: 🙂

Ինչևէ, ուրախալի է, որ տղաների մի մասը նշել է աղջկա ներքնաշխարհը, մասնավորապես բարիությունը և ինտելեկտը, ոչ թե արտաքին տեսքը, կամ կարևորել է երկուսի համադրությունը:

Հարցումները ցույց տվեցին, որ աղջիկների համար տղաների արտաքինը ևս կարևոր է և առաջինն է, որ գրավում է նրանց ուշադրությունը: Այնուամենայնիվ, հետագա շփման համար աղջիկները մեծամասամբ կարևորում են տղայի բնավորության գծերը, մասնավորապես հնարամտությունը, ազնվությունը, հավատարմությունը և նրա վերաբերմունքը:

Այսպիսով, և՛ տղաները, և՛ աղջիկները կարևորել են առաջին տպավորությունը, սակայն հետագա շփումների համար որոշիչ են դառնում մարդու բնավորության գծերը և պահվածքը:

 

Աղբյուր` https://kidshealth.org/