Լավագույնը հարաբերությունների և սիրո մասին: Ռեալ ժամանակի պայմաններում:

Դու կարո′ղ ես

Այլ նորություններ

Ինչպես հաղորդակցվել դժվար իրավիճակում
Արտակարգ իրավիճակներում հաղորդակցումը պահանջում է ավելի մեծ զգայունություն և հոգատարություն: Բնականաբար բոլորս շատ ազդվում ենք ներկայիս իրավիճակից: Սակայն բոլորիս հակազդումները կարող են լինել շատ տարբերվող և դա կարող է բերել հաղորդակցման տարբեր խնդիրների և կոնֆլիկտների: :-( Հոգեբանների կողմից առաջարկած հետևյալ կետերը կարող են օգնել խուսափել այդ դժվարություններից և ուժեղացնել մեր հոգատարությունը միմյանց հանդեպ: Նյութի աղբյուր՝  Aystegh Psychology Lab
Տեղադրված է 25.09.2023 , 11:09…  ավելին →

Մայիսի 31-ին ամբողջ աշխարհում նշվում է Առանց ծխախոտի համաշխարհային օրը (World No Tobacco Day):

2021թ.-ի օրվա թեման է «Պարտավորվիր թողնել ծխելը» (Commit to quit):

Հայտնի փաստ է, որ ծխախոտն առաջացնում է բազմաթիվ վտանգավոր հիվանդություններ և կրճատում է կյանքի տևողությունը: 🙁  Ծխախոտի մեծ խնդիրը ուժեղ կախվածություն առաջացնելու մեջ է:

Այդ իսկ պատճառով թողնել ծխելը այդքան էլ հեշտ չէ: Ինչևէ, դա հնարավոր է, եթե կա ցանկություն և մոտիվացիա: 🙂

 

Ներկայումս հասանելի են բազմաթիվ օգտակար ռեսուրսներ` կայքեր, բջջային հավելվածներ, որ կարող են օգնել ազատվել ծխախոտային կախվածությունից: Նաև կարելի է գտնել համապատասխան մասնագետներ (բժիշկներ, հոգեբաններ), որոնք պատրաստ են աջակցելու պացիենտին այդ հարցում` համապատասխան խորհրդատվություն տրամադրելով և ըստ կարիքի նշանակելով հատուկ դեղորայք:

Լավ լուր նրանց համար, ովքեր մտածում են ծխելը թողնելու մասին. ցանկացած տարիքում հնարավոր է և ուշ չէ թողնել` ստանալով բազմաթիվ օգուտներ առողջության համար:

Այսպես, ծխելու թողնելուց արդեն 12 ժամ անց տեղի է ունենում զարկերակային արյան մեջ CO գազի մակարդակի կայունացում: Մեկ տարի անց սրտի իշեմիկ հիվանդության զարգացման ռիսկը կիսով չափ նվազում է։ 5-15 տարի անց կաթվածի զարգացման ռիսկը նվազում է՝ հասնելով չծխողի մոտ առկա ռիսկի չափին։ 15 տարի անց սրտի իշեմիկ հիվանդության ռիսկը դառնում է չծխող մարդուն սպառնացող վտանգի չափի: 🙂

 

Մայիսի 31-ին բազմաթիվ կազմակերպություններ անցկացնում են տարբեր հետաքրքիր միջոցառումներ` ուղղված առողջ ապրելակերպի խրախուսամանը և ծխախոտի դեմ պայքարին:

Եթե ունես հետաքրքիր և կրեատիվ գաղափարներ կամ պարզապես ցանկանում ես պատմել քո հաջողված փորձի մասին (թողեցիր ինքդ կամ օգնեցիր ընկերոջդ կամ բարեկամին), կիսվի´ր քո պատմությունով մեր խմբում:

 

Կատարի´ր ճիշտ ընտրություն և զե´րծ մնա ծխախոտային կախվածությունից: