Լավագույնը հարաբերությունների և սիրո մասին: Ռեալ ժամանակի պայմաններում:

Այսօր գնում ենք թատրոն

Այլ նորություններ

Համացանցի միջազգային օր
Ապրիլի 4-ին նշվում է Համացանցի միջազգային օրը (International Internet Day): Այս ամսաթիվը պատահական ընտրված չէ, քանի որ 4․04 նման է 404 «Not Found» բրաուզերի սխալին: Այդ օրը նշվում է Սուրբ Իզիդորա Սևիսկովի մահվան օրը, մի անձնավորության, ում համարել են  աշակերտների և ուսանողների հովանավոր, ով ստեղծել է պատմության մեջ առաջին հանրագիտարանը «Etymologiae», 20 հատորով։ 1998 թվականին կաթոլիկ եկեղեցին համաշխարհային ցանցը ճանաչեց որպես մարդկային գիտելիքի գանձարան։ Սուրբ Իզիդորա Սևիսկովիին՝ համացանցի սուրբ հովանավոր նշանակելու մասին իր որոշումը հիմնավորելով,…
Տեղադրված է 04.04.2025 , 12:03…  ավելին →

Այսօր` մարտի 27-ին նշվում է թատրոնի համաշխարհային օրը (World Theater Day):

Այն հիմնադրվել է 1961 թվականին, Թատրոնի միջազգային ինստիտուտի IX կոնգրեսի ժամանակ և ամեն տարի մարտի 27-ին նշվում է միջազգային թատերական միությունների կողմից: Թատրոնի համաշխարհային օրվա առիթով առաջին միջազգային ուղերձը 1962 թվականին գրել է ֆրանսիացի գրող և նկարիչ Ժան Կոկտոն:

Այն ավանդաբար նշվում է միասնական նշանաբանի ներքո՝ «Թատրոնը՝ որպես փոխըմբռնման և ժողովուրդների միջև խաղաղության ամրապնդման միջոց»:

Թատրոն բառն առաջացել է հին հունական theatron բառից, որը նշանակում է «վայր, որտեղ դիտում են»: Այն առաջացել է Հին Հունաստանում Դիոնիսոսին նվիրված ծիսակատարություններից: Հայտնի էին երկու ժանր՝ ողբերգություն և կատակերգություն, որոնք ունեին դիցաբանական կամ պատմական բովանդակություն: Ի դեպ, բոլոր դերերը խաղում էին տղամարդիկ:

Թատերական առաջին բեմադրության մասին հիշատակումը թվագրվում է մ.թ.ա. 2500 թվականով: Թատերական առաջին ներկայացումը տեղի է ունեցել Եգիպտոսում, սյուժեն եգիպտական առասպելաբանության կերպարներն էին՝ Օսիրիս աստծու պատմությունները:

Ամբողջ աշխարհում այսօր կազմակերպվում են թատերական փառատոններ և ներկայացումների պրեմիերաներ: