Հայ երիտասարդները վերաիմաստավորում են առնականությունը
Այլ նորություններ
Մոլախաղեր, գեյմինգ և կախվածություն
Երբևէ լսե՞լ ես խաղային կախվածության (gambling) մասին։ «Խաղամոլությունը» մեր ժամանակներում տարածված խնդիր է, հատկապես՝ առցանց տիրույթում։ Մոլեխաղն այն գործընթացն է, երբ խաղում են՝ խաղադրույք կատարելով արժեքավոր որևէ բանի վրա՝ շահում ստանալու ակնկալիքով։ Հաճախ խաղացողները գումար են վտանգում՝ ավելի մեծ գումար շահելու հույսով։ :-( Մոլեխաղերը տեղի են ունենում կազինոներում և այլ վայրերում, այդ թվում՝ համացանցում։ Տարածված տեսակներն են՝ վիճակախաղեր, ակնթարթային խաղեր, օրինակ՝ քերովի տոմսեր, բինգոյի տիպի տոմսեր, սպորտային խաղադրույքներ, կազինոյի խաղեր, օրինակ՝ սլոթ-մեքենաներ և սեղանի խաղեր, թղթախաղեր…
Տեղադրված է 25.08.2026 , 09:40…
ավելին →
TeensLIVE երիտասարդական նախագիծն ամփոփեց «Ստեղծիր նոր պատմություն» արշավի արդյունքները։
UNESCO-ի և UNAIDS-ի համատեղ ծրագրի շրջանակում անցկացված արշավն ուղղված էր 16-25 տարեկան երիտասարդ տղամարդկանց և պատանիներին։ Նախաձեռնությունը միտված էր գենդերային վնասակար կարծրատիպերի դեմ պայքարին, դրական առնականության խթանմանը և բռնության կանխարգելմանը։
Արշավի մասնակիցները վերաիմաստավորեցին առնականությունը՝ նախընտրելով այնպիսի հատկություններ, ինչպիսիք են հուզական ինտելեկտը, հոգատարությունը, նվիրվածությունը, բռնությունից և ագրեսիայից զերծ լինելը։
Արշավի ընթացքում օգտագործվեցին տարբեր ձևաչափեր՝ տեղեկատվական հոդվածներ, կոմիքսներ և տեսանյութեր հայտնի բլոգեր-ինֆլյուենսերների հետ։
Սոց․ ցանցերում ավելի քան 840000 դիտում հավաքած արշավը գերազանցեց սպասելիքները՝ ցույց տալով դրական փոփոխությունների մեծ կարիք հայ երիտասարդների շրջանում։
Ի դեպ, մեր ընկեր՝ տեղեկատվական բոտ Բարուժանը երկար ճանապարհ է անցել, որ հասնի դրական առնականության իր մոդելին՝ դառնալով ավելի հոգատար ու հարգալից։
Հուսով ենք՝ դու էլ շատ բան սովորեցիր նրանից։ 🙂
Իսկ եթե դեռ մոտիկից չես ծանոթացել Բարուժանին և ցանկանում ես դրական փոփոխություններ բերել քո ու քո շրջապատի կյանք, անցի’ր այս հղումով՝ t.me/BarujanBot դրական առնականության մասին ավելին իմանալու համար: