Այլ նորություններ
«Իմ առողջությունը, Իմ իրավունքը» թվային արվեստի գործերի մրցույթ
«Առողջության համաշխարհային օր 2024» արշավի շրջանակում ԱՀԿ Հայաստանը ՀՀ առողջապահության նախարարության հետ համատեղ և ՅՈՒՆԵՍԿՕ ԿՏՏԻ TeensLIVE Հայաստան նախագծի հետ համագործակցությամբ հայտարարում է թվային արվեստի գործերի մրցույթ՝ «Իմ առողջությունը, Իմ իրավունքը» խորագրի ներքո։ Կընդունվեն 13-18 տարեկան դեռահասների այն ստեղծագործությունները, որոնք նվիրված են ստորև նշված թեմաներին․ Առողջ ապրելակերպ Հոգեկան առողջություն Առողջություն և շրջակա միջավայր Կընդունվեն հետևյալ տեսակների աշխատանքներ․ թվային նկար կոնցեպտուալ արվեստ ֆոտո-նկարչություն 2D/3D թվային նկար պիքսելային արվեստ/գրաֆիկա թվային կոլաժ Աշխատանքը ներկայացնելու պայմանները, ինչպես նաև այլ…
Տեղադրված է 29.04.2024 , 13:57…
ավելին →
Դժվար իրավիճակում հայտնված դեռահասներին խորհուրդ է տրվում օգնություն խնդրել վստահելի մարդուց, վստահելի մեծահասակից։
Կարևոր է հիշել, որ ոչ բոլոր մեծահասակներն են համարվում վստահելի։ 🙁 Վստահելի մեծահասակը այն անձն է, ով պատրաստ է օգնելու առանց մեղադրելու, սպառնալու և չի ստիպի այնպիսի գաղտնիք պահել, որը կկաշկանդի կամ կանհանգստացնի։
Իրավիճակից կամ ժամանակահատվածից կախված՝ կարելի է ունենալ տարբեր վստահելի մեծահասակներ՝ ծնող, մեծ քույր-եղբայր, այլ մտերիմ բարեկամ կամ լավ ծանոթ, ուսուցիչ, հոգեբան, բուժաշխատող և այլն։
Եվ այսպես, վստահելի մեծահասակը նա է՝
- ում վստահում ենք և կարող ենք դիմել օգնության համար,
- ով հոգ է տանում քո մասին կամ պատրաստ է հոգ տանել,
- ով պատրաստ է լսել և հասկանալ քեզ, քո ցանկություններն ու մտահոգությունները,
- հարգում է քո սահմանները՝ և՛ ֆիզիկական, և՛ հոգևոր,
- չի ուզում կառավարել քեզ կամ կողքիններին,
- ում կողքին դու քեզ հանգիստ ես զգում,
- ով ուրիշներին ևս լավ է վերաբերվում,
- ցանկանում է օգնել բոլորին, կարեկցանքով և սիրով է մոտենում՝ առանց ավելորդ մեծամտության,
- ով լսում է քեզ, հավատում է և փորձում օգնել՝ առանց սեփական կարծիքը պարտադրելու,
- ճշտախոս է և կարողանում է արձագանքել խնդիրներին՝ առանց կշտամբելու, մեղադրելու,
- առանց քեզ և քո խնդիրը անտեսելու պատասխանատվություն է կրում իր ցանկացած քայլի համար և այլն։