Հոկտեմբերի 20-ին նշվեց Խոհարարի միջազգային օրը (International Chefs Day):

Օրն ընտրվել է 2004 թվականին խոհարարների միջազգային ասոցիացիայի առաջարկով: Ի դեպ, այդ ասոցիացիան ունի խոհարարության ոլորտում տարբեր երկրներ ներկայացնող ավելի քան 8 միլիոն անդամ: Ուստի զարմանալի չէ, որ համաշխարհային խոհանոցի վարպետները տոնում են իրենց տոնը: Այսօր արդեն տոնը նշում են աշխարհի ավելի քան 70 երկրում:

Խոհարարի մասնագիտությունն աշխարհում ամենահինն է և ամենապահանջվածը: Ինչպես վկայում է լեգենդը, այս ոլորտի անվանումը պայմանավորված է մի կնոջ անվամբ: Հին հույները ունեին բժշկության աստված` Ասկլեպիուսին, որի աղջիկն էր Հիգեան` առողջության աստվածուհին (նրա անվան հետ է հապված հիգիենա բառը): Իսկ նրանց գործերին ակտիվ օգնում էր Կուլինա անունով մի խոհարարուհի, ով դարձավ խոհարարական գործի հովանավորը 🙂 Հենց Կուլինայի անունից հետագայում առաջացավ «կուլինարիա» բառը: