Այլ նորություններ
Ճարպակալման դեմ պայքարի համաշխարհային օր
Մարտի 4-ը ճարպակալման դեմ պայքարի համաշխարհային օրն է (World Obesity Day): Առողջապահության համաշխարհային կազմակերպության Մանկական ճարպակալման համաճարակաբանական հսկողության եվրոպական նախաձեռնության (COSI) տվյալներով Հայաստանում 7-8 տարեկան երեխաների 27.7%-ն ավելորդ քաշ ունի, 12.6%-ը` ճարպակալում։ Ընդ որում, ավելորդ քաշով և ճարպակալմամբ տղաների թիվը հասնում է 30%-ի, աղջիկներինը՝ 25%-ի: Համաձայն Հայաստանի Դպրոցականների առողջության վարքագծի հետազոտության (HBSC)՝ 11 տարեկան տղաների 31%-ը, աղջիկների 17%-ը, 13 տարեկան տղաների 27%-ը, աղջիկների 15%-ը, 15 տարեկան տղաների 25%-ը, աղջիկների 12%-ն ավելորդ քաշ կամ ճարպակալում ունի։…
Տեղադրված է 04.03.2025 , 14:02…
ավելին →
Ամեն տարի ապրիլի երրորդ շաբաթ օրը աշխարհի կրկեսային արվեստի սիրահարները նշում են Կրկեսի միջազգային օրը (World Circus Day)։
Տոնի նպատակն է ցույց տալ կրկեսն իր ամբողջ գեղեցկությամբ, ուրախացնել երկրպագուներին նոր ծրագրերով և ներկայացումներով, ինչպես նաև պատշաճը մատուցել մշակույթի մեջ կրկեսային արվեստի ավանդին։
Այս տոնը հիմնելու նախաձեռնողներն են եղել Եվրոպական կրկեսային ասոցիացիան և Կրկեսի համաշխարհային ֆեդերացիան, որը գործում է Մոնակոյի արքայադուստր Ստեֆանիայի բարձր հովանու ներքո, և որի շտաբ-բնակարանը տեղակայված է Մոնտե Կառլոյում:
Օրվա տոնակատարությունը տարիների ընթացքում դարձել է ավանդական. այս օրը կրկեսային խմբերը պատրաստում են հատուկ տոնական ծրագրեր, կազմակերպում են բաց դռների օր, բարեգործական ակցիաներ, անցկացնում են փողոցային ներկայացումներ, ցուցադրություններ, կառնավալներ և երթեր ծաղրածուների, մարմնամարզիկների, աճպարարների և այլ կրկեսային արտիստների մասնակցությամբ։
Ի դեպ, չնայած կրկեսային ներկայացումը արվեստի հնագույն տեսակներից է, ներկայիս տեսքով կրկեսը ի հայտ է եկել 18-րդ դարում: Հիմնադիրը համարվում է անգլիացի ձիավարժ Ֆիլիպ Աստլեյը, ով էմպիրիկ ձևով պարզեց, որ ձիերի քառատրոփ վազքի համար առավել հարմար է 13մ տրամագիծ ունեցող կլոր հրապարակը` արենան: Մինչ այսօր այս տրամագիծը պահպանվում է աշխարհի բոլոր կրկեսներում:
