Լավագույնը հարաբերությունների և սիրո մասին: Ռեալ ժամանակի պայմաններում:

ԻՍԿ ԴՈՒ ՍԻՐՈ՞ՒՄ ԵՍ ՋԱԶ

Այլ նորություններ

Շրջակա միջավայրի համաշխարհային օր
ՄԱԿ-ի Գլխավոր վեհաժողովի 27-րդ նստաշրջանում 1972թ.-ին հունիսի 5 հռչակվել է շրջակա միջավայրի համաշխարհային օր (World Environment Day) : 2004թ.-ից Հայաստանում այն նշվում է որպես բնապահպանի օր: Այս օրը բնապահպանները ու բնապահպանական կազմակերպությունները ևս մեկ անգամ հանրության ուշադրությունն են հրավիրում բնապահպանական խնդիրների և շրջակա միջավայրի պահպանության վրա։   Այս տարի օրվա խորհուրդն է` ՎԵՐԱԻՄԱՍՏԱՎՈՐԵԼ: ՎԵՐԱՍՏԵՂԾԵԼ: ՎԵՐԱԿԱՆԳՆԵԼ Մենք չենք կարող վերադառնալ անցյալ և ուղղել մեր սխալները: Բայց մենք կարող ենք աճեցնել ծառեր, վերականգնել այգիներ, մաքրել մեր գետերը, անտառները…
Տեղադրված է 07.06.2021 , 14:13…  ավելին →

Այսօր Ջազի միջազգային օրն է (International Jazz Day):

Ջազն առաջացել է ԱՄՆ-ում 19-րդ  դարի վերջում որպես աֆրիկյան և եվրոպական մշակույթների և երաժշտության միաձուլում և մինչ այսօր մնում է երաժշտական արվեստի յուրահատուկ  ժանր, որը միացնում է ռասաներ, ազգեր և ջնջում է մարդկանց և պետությունների միջև սահմանները: Ակունքներում ունենալով ստրկատիրությունը` ջազը տասնամյակներ շարունակ խոսում է ազատության լեզվով, իսկ ջազային երաժիշտները ստեղծագործում են և հանդես գալիս բոլոր տեսակ ճնշումների և բռնության դեմ:

Ջազի միջազգային օրը առաջին անգամ նշվել է 2012թ.-ին, իսկ օրը նշելու մասին որոշում է ընդունվել ՅՈՒՆԵՍԿՕ-ի կոնֆերանսի ժամանակ 2011թ.-ի ապրիլի 30-ին:

Տոնը նշելու նպատակն է իրազեկել մարդկանց ջազի կարևոր դերի մասին` որպես համերաշխության, միասնության, երկխոսության և ժողովուրդների միջև շփումներին նպաստող հզոր ուժ:

Մեր օրերում շատ հասարակական կազմակերպություններ, ուսումնական հաստատություններ, մասնավոր անձինք, նաև պետական մարմիններ աջակցում են ջազին, և միջազգային տոնը մի գործիք է այդ հարցում:  Այսօր շատ քաղաքներում տարբեր վայրերից, ինչպես նաև փողոցներում հնչելու են ջազի անզուգական մեղեդիները: