Լավագույնը հարաբերությունների և սիրո մասին: Ռեալ ժամանակի պայմաններում:

Հետաքրքիր է իմանալ

Այլ նորություններ

Ինչպես վերապրել դժվար տարիքը
Դեռահասային տարիքը իսկապես դժվար ժամանակաշրջան է և′ դեռահասների, և′ ծնողերի համար: :-( Հոգեբանները կիսվել են մի քանի պարզ խորհուրդներ, որոնք կօգնեն վերապրել այս դժվար շրջանը: Եվ այսպես. Այս շրջանն ի վերջո կավարտվի: Պետք է լցվել համբերությամբ: Բոլորը անցել են այդ շրջանով, ծնողները` ևս: Ուստի, ծնոնղներին  խորհուրդ է տրվում դեռահասի հետ զրուցելիս և որոշումներ կայացնելիս` հիշել սեփական դեռահասային տարիքը և հույզերը: Վարիր օրագիր:  Ի դեպ, կարող ես այն վարել առցանց: Փորձիր գրի առնել, թե ինչ դրական…
Տեղադրված է 07.09.2021 , 16:02…  ավելին →

Ինչպե՞ս ամեն ինչ հասցնել։ Բերենք 7 ամենագործուն խորհուրդները.

1․Կազմիր նպատակների ու առաջադրանքների ցուցակ:
Գրի առ բոլոր նպատակները կոնկրետ ու կարճ։ Հետո ամեն կետ բաժանիր «ենթակետերի» (փաստացի՝ փոքրիկ քայլեր, որոնք անհրաժեշտ է անել, եթե ուզում ես հասնել կոնկրետ նպատակի)։
2․Ընդգծիր ամենակարևորները:
Օրվա բոլոր պլաններից ընտրիր ամենակարևորները։ Հետևաբար, առաջին հերթին դրանք պետք է անես։ Համեմատաբար ավելի դժվար ու պատասխանատու աշխատանքը վերջացնելուց հետո կարելի է անցնել երկրորդականներին։
3․Կոկիկ պահիր գրասեղանդ 🙂
Որևէ աշխատանք կատարելն ավելի հեշտ է, երբ ոչինչ ուշադրությունդ չի շեղում, չի խանգարում, ամեն առարկա իր տեղում է։ Կարող ես պահել հատուկ «օրգանայզեր»։
4․Պահպանիր հերթականությունը:
Մի անցիր մյուս գործին, եթե առաջինը չես վերջացրել, և մի փորձիր քեզ հանգստացնել, որ այն ավելի ուշ կանես։ Արդյունքում կկուտակես լիքը չավարտած գործեր 🙁 Երբ դու կենտրոնացած ես մի գործի վրա, ավելի արագ ես կատարում։
5․ Դիր ժամանակիդ վրա որոշակի սահմանափակումներ
Եթե ինչ-որ բան է պետք անել, ավելի լավ է անել հենց այդ պահին։ Անցի՛ր գործի՝ առանց հետաձգելու։ Միտքը, որ դու ունես աշխատանքը կատարելու սահմանափակ ժամանակ, թույլ չի տա շեղվել։
6․ Արդարացումներ մի՛ փնտրիր:
Տրամադրություն չունենալը, ցանկության պակասը կազմակերպված չլինելու վատ արդարացումներ են։ Հիշի՛ր, որ «»ախորժակը ուտելիս է բացվում»։ Նույնն էլ այստեղ է՝ ցանկությունն ու մոտիվացիան կհայտնվեն, հենց որ դու խորանաս գործի մեջ։ Օգտակար է բարձրացնել քո մոտիվացիան՝ հիշելով, թե ինչու է քեզ պետք անել այս կամ այն բանը։
7․Հաջողության համար երես տուր քեզ😎
Մտածիր, թե ինչպես կարող ես քեզ պարգևատրել կատարած գործի համար՝ քաղցրավենիքով, ընկերների հետ զբոսանքով կամ պարզապես ստացած արդյունքով 🙂 Քանի դեռ ընթացքում ես, առաջիկա պարգևատրումը քեզ կմոտիվացնի, իսկ վերջում կնվիրի դրական էմոցիաներ ու կխրախուսի անցնելու հաջորդ պլանին։

 

Կազմեց Milena Khechoyan-ը: