Լավագույնը հարաբերությունների և սիրո մասին: Ռեալ ժամանակի պայմաններում:

Ինչպես լավացնել քունը՝ օգտակար խորհուրդներ

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Հայտնի փաստ է, որ քնի պահանջն անհատական է։ Ինչևէ, երեխաներն ու դեռահասները ունեն ավելի երկարատև քնի պահանջ։ Քանի որ դպրոցականը ծանրաբեռնված է դասերով և պարապմունքներով, որին գումարվում են սթրեսը, դեռահասության տարիքի փոփոխությունները, խորհուրդ է տրվում ապահովել առնվազն 9-9,5 ժամ տևողությամբ քուն։ Եթե խիստ հոգնածություն ես զգում, ապա կարող ես կարճատև քնել նաև ցերեկվա ժամին: 🙂  Սակայն ցերեկվա քունը չպետք է լինի շատ երկար և խանգարի կամ կրճատի գիշերվա քնի տևողությունը:

Խորհուրդներ լիարժեք քուն ապահովելու համար

  • Ձևավորել նույն ժամին քնելու սովորություն (մինչև կեսգիշեր), ինչը կարևոր է լիարժեք հանգստանալու, առողջ և առույգ լինելու համար։ Ցանկալի է չխախտել քնելու ռեժիմը նաև շաբաթ – կիրակի և այլ հանգստյան օրերին:
  • Մաղթել «բարի գիշեր» գաջեթներին: Ննջասենյակում ցանկալի չէ ունենալ հեռուստացույց և համակարգիչ, հեռախոսը պետք է անջատել, քանի որ էլեկտրոնային միջոցները օժտված են նյարդային համակարգն ակտիվացնելու հատկությամբ։ Աշխատող համակարգչի կամ հեռախոսի արձակած լույսը խանգարում է քունը կարգավորող հատուկ նյութի (մելատոնինի) արտադրմանը: 🙁
  • Հնարավորության դեպքում` մթնեցնել և ձայնամեկուսացնել ննջասենյակը: Ցանկալի է այն օդափոխել և ապահովել մոտ 20º ջերմաստիճան։
  • Պահպանելքնի «արարողակարգ», այն է` առօրյա, սովորություն դարձած նույն գործողությունները՝ քնել նույն ժամին, քնելուց առաջ կատարել հանգստացնող գործողություններ` գիրք կարդալ, զբոսնել, լսել հանգիստ երաժշտություն, կատարել յոգայի վարժություններ, ընդունել տաք լոգանք և այլն:
  • Լինել ակտիվ օրվա ընթացքում, կատարել ֆիզիկական վարժություններ (բայց ոչ անմիջապես քնելուց առաջ):
  • Տրամադրվել խոր և հանգիստ քնի, ազատել միտքը և չմտածել բացասականի մասին։ Օգնում է նաև մեդիտացիան։

Քնի խանգարումների դեպքում, եթե վերը նշված պարզ խորհուրդները չեն օգնում, պարտադիր պետք է դիմել մասնագետի։