Լավագույնը հարաբերությունների և սիրո մասին: Ռեալ ժամանակի պայմաններում:

Ինչքա՞ն հաճախ ես լվացվում

Այլ նորություններ

Գեղեցկության չափանիշների մասին
Ցանկացած երիտասարդ ցանկանում է հասարակությունում ներկայանալ իր լավագույն կերպարով, և այստեղ կարևորվում է նաև արտաքին տեսքը։ Հատկապես դեռահաս աղջիկները հաճախ դժգոհում են սեփական արտաքինից և ուզում են փոփոխել որևէ բան՝ քթի կամ շրթունքների ձևը, նիհարել կամ մեծացնել/ փոքրացնել կուրծքը և այլն։ Ուղիղ մազեր ունեցողները դժգոհում են և փորձում են ոլորել կամ գանգրացնել, իսկ գանգուր մազերի դեպքում՝ ուղղել։ :-) Մարդու գեղեցկության մասին շատ է խոսվում։ Իրականում գեղեցկությունը կախված է ոչ միայն արտաքին տեսքից, այլ նաև ինքնազգացողությունից,…
Տեղադրված է 06.11.2026 , 12:46…  ավելին →

Այսօր`  Հոկտեմբերի 15-ին, նշվում է ձեռքերի լվացման միջազգային օրը (Global Handwashing Day):

 

Այո՛, չզարմանաք, բայց գոյություն ունի այսպիսի օր: Այն հատուկ նշվում է ՄԱԿ-ի մանկական հիմնադրամի նախաձեռնությամբ` հաշվի առնելով ձեռքերի լվացման կարևորությունը:

 

Հաստատ դեռ փոքր տարիքից լսել ես` «ուտելուց առաջ, փողոցից վերադառնալուց, կենդանուն շոյելուց, զուգարան գնալուց հետո լվա′ ձեռքերդ»: Նման բառերով ծնողները, դաստիարակները, բուժաշխատողները հիշեցնում են հիգիենայի այդ կարևոր կանոնի մասին:

 

Թվում է, ձեռքերը լվանալու հարցը մարդու անձնական գործն է, և յուրաքանչյուր մարդ դա անում է՝ ելնելով իր մաքրասիրության ու դաստիարակության չափից: Սակայն, ինչպես նշում են փորձագետները, եթե չլվացած ձեռքերի խնդիրը դիտենք ավելի գլոբալ, ապա այն ունի կործանարար հետևանքներ 🙁

Չլվացած ձեռքերի միջոցով մարդու օրգանիզմ են անցնում այնպիսի վտանգավոր հիվանդությունների հարուցիչներ, ինչպիսիք են՝ աղիքային վարակները, խոլերան, հեպատիտ Ա-ն, գրիպը և սուր շնչառական վարակները և այլն: Պարզ հիգիենիկ գործընթացը փրկում է օրական հազարավոր երեխաների կյանքեր: Այն ոչ միայն օգնում է կանխել վտանգավոր վարակները, այլև մեր կյանքը դարձնում է ավելի հարմարավետ և անվտանգ:

Ձեռքերի լվացման օրը շատ երկրներում մասնագետների, զանգվածային լրատվական միջոցների և կամավորների մասնակցությամբ կազմակերպվում են տարբեր միջոցառումներ` հիգիենիկ քարոզարշավներ, մարդկանց բաժանվում են տեղեկատվական գրքույկներ, ցուցադրվում են հետաքրքիր տեսանյութեր, անցկացվում են սեմինարներ: