Դեկտեմբերի 2-ին «Հերացի» ավագ դպրոցի սաները կազմակերպեցին բաց դասերի շարք` նվիրված ՁԻԱՀ-ի դեմ պայքարի համաշխարհային օրվան: Նրանք պատրաստեցին նյութեր իրենց կրտսեր դասընկերների համար ՄԻԱՎ/ՁԻԱՀ-ի փոխանցման ուղիների, վարակի ընթացքի, հետազոտման, բուժման և կանխարգելման մասին:

Միջոցառումների ընթացքում աշակերտները հնարավորություն ունեցան ավելի մանրամասնորեն տեղեկանալու ՄԻԱՎ/ՁԻԱՀ-ի մասին, ներկայացվեցին կարևոր փաստեր, բացահայտվեցին տարածված միֆեր, ցուցադրվեցին ՄԻԱՎ-ի մասին կարճամետրաժ տեսաֆիլմեր (որոնք նկարահանվել են «Արաբկիր» ԲՀ-ԵԴԱԻ-ի կողմից՝ ՄԱԿ-ի ՄԻԱՎ/ՁԻԱՀ-ի միացյալ ծրագրի և ՅՈՒՆԵՍԿՕ-ի աջակցությամբ), ինչպես նաև անցկացվեցին փոքրիկ մրցույթներ: 🙂

Եղի՛ր իրազեկված և պաշտպանված: Մտածի՛ր ապագայի մասին: