Թարմացնում ենք գիտելիքները ՄԻԱՎ/ՁԻԱՀ-ի մասին
Այլ նորություններ
Մոլախաղեր, գեյմինգ և կախվածություն
Երբևէ լսե՞լ ես խաղային կախվածության (gambling) մասին։ «Խաղամոլությունը» մեր ժամանակներում տարածված խնդիր է, հատկապես՝ առցանց տիրույթում։ Մոլեխաղն այն գործընթացն է, երբ խաղում են՝ խաղադրույք կատարելով արժեքավոր որևէ բանի վրա՝ շահում ստանալու ակնկալիքով։ Հաճախ խաղացողները գումար են վտանգում՝ ավելի մեծ գումար շահելու հույսով։ :-( Մոլեխաղերը տեղի են ունենում կազինոներում և այլ վայրերում, այդ թվում՝ համացանցում։ Տարածված տեսակներն են՝ վիճակախաղեր, ակնթարթային խաղեր, օրինակ՝ քերովի տոմսեր, բինգոյի տիպի տոմսեր, սպորտային խաղադրույքներ, կազինոյի խաղեր, օրինակ՝ սլոթ-մեքենաներ և սեղանի խաղեր, թղթախաղեր…
Տեղադրված է 25.08.2026 , 09:40…
ավելին →
Այսօր, ՄԻԱՎ-ի դեմ պայքարի համաշխարհային օրը (World AIDS Day), ևս մեկ առիթ է հիշելու ՄԻԱՎ/ՁԻԱՀ-ի և դրա կանխարգելման ճանապարհների մասին:
Ինչ էլ որ լսես ծանոթներից կամ կարդաս համացանցում, հիշի՛ր, որ ՄԻԱՎ-ը երբեք չի փոխանցվում.
- փռշտոցի, հազի միջոցով,
- համբույրի, ձեռքսեղման, գրկախառնության ժամանակ,
- թքի, քրտինքի և արցունքի միջոցով,
- համատեղ լոգարանից, զուգարանից, լողավազանից օգտվելիս,
- ընդհանուր սպասքի, սննդի և խմիչքի միջոցով:
- ՄԻԱՎ-ը չի փոխանցվում նաև միջատների խայթոցից:
Բացի այդ, ՄԻԱՎ-ը բավականին անկայուն է միջավայրում և արագ ոչնչանում է չորացած արյան մեջ (ի տարբերություն օրինակ՝ հեպատիտ Բ վիրուսի), շատ լավ ենթարկվում է ջերմային կամ ախտահանիչ մշակման:
Այսպիսով, եթե ընկերոջդ կամ ծանոթիդ մոտ ախտորոշվել է ՄԻԱՎ, ապա դա պատճառ չէ նրա հետ հարաբերությունները խզելու համար:
Ճիշտ հակառակը. փորձիր նրան աջակցել և մյուսներին ցույց տալ, որ ՄԻԱՎ-ը չի խանգարում ընկերությանը և նորմալ մարդկային շփումներին:
ՄԻԱՎ-ով ապրող մարդիկ չպետք է ենթարկվեն խտրական վերաբերմունքի և խարանի:
Այդ մասին խոսվում է Ընկերների պատմությունը զվարճալի տեսանյութում։