Քո կամքին հակառակ
Իսկ հիմա արդեն ավելի լուրջ ու անկեղծ լինենք այն թեմայի շուրջ, որի մասին հավանաբար ամենաքիչն ես ուզում մտածել, քանի որ թվում է, թե այն արդիական չէ կամ շատ հազվադեպ է պատահում իրական կյանքում, և կարծես թե վերցված է ինչ-որ թրիլերի սյուժեից:
Ուրեմն խորը շունչ քաշիր և քաջություն ունեցիր կարդալ բռնության մասին:
Ի՞նչ գիտենք այդ մասին.
1. Բռնությունն անկասկած այն երևույթն է, որ տեղի է ունենում հակառակ մարդու կամքին ու ցանկությանը:
2. Դա իրոք տհաճ ու սարսափելի երևույթ է, որը պատճառում է ցավ, վիրավորանք, արժանապատվության ոտնահարում, նյութական կորուստներ, մի բան անելու պարտադրանք է և նույնիսկ՝ բամբասանքի առիթ:
Հավանաբար, «բռնություն» բառը ասոցացվում է մոլագարների սարսափազդու պատմությունների հետ, ովքեր հետևում են աղջիկներին մութ փողոցներում:
Իրոք, նման դեպքեր երբեմն պատահում են: Այնուամենայնիվ, պետք չէ մոռանալ, որ այս բառի նշանակությունը առավել լայն է:
Կամ նոր աշակերտի հասցեին մի խումբ երեխաներ նսեմացուցիչ մեկնաբանություններ են անում, դիմում են վիրավորական մականունով: Չնայած, որ վիրավորանքները ֆիզիկական վնաս չեն հասցնում, միևնույն է, դրանք հոգեկան ցավ են պատճառում: Դա նույնպես բռնություն է: Բռնության «հոգեբանական» տեսակը ոչ պակաս ծանր հետևանքներ է թողնում:
Որոշ օրինակներ ոմանց համար անվնաս կատակ կարող են թվալ, սակայն նրանք այն մարդիկ են, ովքեր արդարացնում են կամ հենց իրենք էլ դիմում են նման քայլերի: Բայց մի պահ պատկերացրու, թե քեզ են վիրավորում, նսեմացուցիչ հաղորդագրություններ ուղարկում: Հաճելի է, այնպես չէ՞: Դժվա′ր թե: Չէ՞, որ այս ամենը գրեթե չի տարբերվում բռնության ավելի կոպիտ դրսևորումներից՝ ծեծից, ծաղրանքից, սպառնալիքից:
Բռնության այլ տեսակների մասին կարդա «Ինձ հետապնդում են…» հոդվածում:
Ուզու՞մ ես իմանալ, թե ինչպես կանխել բռնությունը: Կարդա «Կանխելը հեշտ է» հոդվածը:
Նկարը հոդվածի համար գտել ենք այստեղ:
Կարդացեք նաև
Անառողջ հարաբերություններ
Այն, ինչի մասին չես ուզում խոսել…
«Ասում են, թե…»
