Բարի հորմոններ
Մինչ օրս գոյություն ունի թյուր կարծիք, որ հորմոնային դեղահաբեր օգտագործելու արդյունքում աղջիկները քաշի ավելցուկ են ունենում, ինչն անցանկալի է: Սակայն հայտնի է, որ ժամանակակից հորմոնային հակաբեղմնավորիչները արդեն վաղուց չունեն նման կողմնակի ազդեցություններ: Ավելին, դրանք նույնիսկ կարող են նշանակվել բուժական կամ կոսմետիկ նպատակներով:
Ուրեմն, խոսենք այս ամենի մասին ըստ հերթականության: Հորմոնային հակաբեղմնավորման տարածված միջոցներից են.
- օրալ (բերանացի ընդունման) հակաբեղմնավորիչներ (կամ դեղահաբեր),
- հորմոնալ սպեղանի,
- հորմոնալ (հեշտոցային) օղակներ,
- ներարկվող հակաբեղմնավորիչներ,
- իմպլանտներ:
Ինչպե՞ս են աշխատում հորմոնային հակաբեղմնավորիչները:
Ինչպես և բեղմնականխման այլ միջոցները, հորմոնալ մեթոդներն ունեն իրենց առավելություններն ու թերությունները:
| Օրինակ, անհրաժեշտ է հաշվի առնել, որ հորմոնալ դեղահաբերը… | + |
|---|---|
Հետաքրքիր է, որ երբեմն, եթե աղջկա մոտ երկար ժամանակ չի հաստատվում կանոնավոր դաշտանային ցիկլ, կամ դիտվում են ցիկլի հետ կապված այլ խնդիրներ (ցավ, առատ արյունահոսություն), ապա բժիշկը կարող է նշանակել հատուկ հորմոնալ հաբեր վերը նշված խնդիրները կարգավորելու նպատակով:
Հաբերի նման ձվազատման վրա ազդում են նաև հորմոնալ սպեղանիները, հեշտոցային օղակները, իմպլանտները և ներարկվող հակաբեղմնավորիչները: Տարբերությունը միայն դրանց օգտագործման ձևի և տևողության մեջ է: Օրինակ՝ սպեղանիները ամրացվում են ուսին, թիակին, փորի կամ հետույքի ստորին մասին, իսկ հեշտոցային օղակները տեղադրվում են հեշտոցում: Իսկ որոշ հակաբեղմնավորիչներ տեղադրվում են միայն բժշկի կողմից:
Այսպիսի տեսք ունի հորմոնալ սպեղանին…
…իսկ այսպիսի` հեշտոցային օղակը
Ամեն դեպքում, եթե աղջիկը որոշում է օգտագործել հորմոնալ հակաբեղմնավորիչներ, չափազանց կարևոր է խորհրդակցել բժշկի հետ: Մասնագետն ըստ աղջկա օրգանիզմի առանձնահատկությունների հաշվի կառնի բոլոր հնարավոր ցուցումներն ու հակացուցումները այս կամ այն հաբերի նկատմամբ և կօգնի ընտրել առավել նպատակահարմար բեղմնականխիչ միջոց:
Եվ ամենակարևորը: Ցավոք սրտի, դեռ լիարժեք ուսումնասիրված չէ հորմոնալ հակաբեղմնավորիչների ազդեցությունը դեռահաս աղջկա օրգանիզմի վրա: Այնպես որ, անցանկալի է դրանց կիրառումը մինչև 16 տարեկան:
Բեղմնականխման այլ միջոցների մասին կարդացեք «Հուսալիորեն պաշտպանված», «Օգնության է գալիս քիմիան» և այլ հոդվածներ «Ես և դու» բաժնում:
Կարդացեք նաև
Յուրովի մոտեցում
«Հրատապ» օգնություն
Կրկին հորմոնների մասին. առասպելներ և փաստեր
