Լավագույնը հարաբերությունների և սիրո մասին: Ռեալ ժամանակի պայմաններում:

Եկե′ք անենք բարի գործեր

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Այսօր՝  նոյեմբերի 13-ին, աշխարհը նշում է բարության տոնը (World Kindness Day):

Այդ օրը միջազգային բոլոր բարեգործական հիմնադրամները կոչ են անում միանալ այս ոչ պաշտոնական տոնին` շեշտելով, որ տոնը թույլ է տալիս բարություն գործել` դրանով իսկ նվազեցնելով աշխարհում եղած չարությունը: Այս տոնը նշում են բոլորն` անկախ ազգային և կրոնական պատկանելությունից: Խնդիրն այստեղ ոչ թե պարզապես բարություն անելն է, այլ անշահախնդրորեն բարի լինելը:

1998 թվականի այս օրը Տոկիոյում տեղի ունեցավ Բարության համաշխարհային շարժման առաջին կոնֆերանսը, որին մասնակցեցին Ավստրալիան, Կանադան, Ճապոնիան, Թաիլանդը, Սինգապուրը, Մեծ Բիտանիան, Ամերիկայի Միացյալ Նահանգները: Շուտով նրանց միացան նաև այլ երկրներ:

Իսկ օրվա խորհրդանիշը դարձավ բաց սիրտը, որը նկարեց ֆրանսիացի նկարիչ Օրելը:

Չնայած շատ երկրներում այս տոնն այնքան էլ տարածված չէ և չի նշվում, սակայն գերմանացի գիտնականները հավաստիացնում են, որ բարին գործելու մեջ է թաքնված իսկական երջանկությունը:

Ուրեմն, եթե ուզում ես լինել երջանիկ, փոխի′ր քո վերաբերմունքը մարդկանց և իրադարձությունների հանդեպ, արա′ բարի գործեր:

Կիսվի′ր մեր խմբում քո բարի պատմությունով և  ոգեշնչի′ր նաև ուրիշներին: