Լավագույնը հարաբերությունների և սիրո մասին: Ռեալ ժամանակի պայմաններում:

Տեղեկացված, ուրեմն պաշտպանված

Այլ նորություններ

Գեղեցկության չափանիշների մասին
Ցանկացած երիտասարդ ցանկանում է հասարակությունում ներկայանալ իր լավագույն կերպարով, և այստեղ կարևորվում է նաև արտաքին տեսքը։ Հատկապես դեռահաս աղջիկները հաճախ դժգոհում են սեփական արտաքինից և ուզում են փոփոխել որևէ բան՝ քթի կամ շրթունքների ձևը, նիհարել կամ մեծացնել/ փոքրացնել կուրծքը և այլն։ Ուղիղ մազեր ունեցողները դժգոհում են և փորձում են ոլորել կամ գանգրացնել, իսկ գանգուր մազերի դեպքում՝ ուղղել։ :-) Մարդու գեղեցկության մասին շատ է խոսվում։ Իրականում գեղեցկությունը կախված է ոչ միայն արտաքին տեսքից, այլ նաև ինքնազգացողությունից,…
Տեղադրված է 06.11.2026 , 12:46…  ավելին →

Նոյեմբերի 26-ին նշվեց տեղեկատվության համաշխարհային օրը (World Information Day):

Տեղեկատվությունը փոխանցվում է մի մարդուց մյուսին բանավոր, գրավոր կամ որևէ այլ եղանակով:
Մարդու կյանքում միշտ կարևոր դեր է խաղացել տեղեկատվությունը, իսկ անցած դարի կեսերին բուռն տեխնիկական առաջընթացի և գիտության արագ զարգացման պայմաններում տեղեկատվության դերն անհամեմատ աճեց:
Բոլորը գիտեն համաշխարհային տնտեսության արքա` Նաթան Ռոտշիլդի հայտնի արտահայտությունը՝ «Ով տիրապետում է ինֆորմացիային, նա տիրում է աշխարհին»:
Ներկայումս ամբողջ աշխարհում թվայնացվում է հեռուստատեսությունը, զարգանում է համացանցը և սոցիալական ցանցերը: Ժամանակակից մարդը չի կարող ապրել առանց օպերատիվ տեղեկատվության 🙁  Այնուամենայնիվ, երբեմն տեղեկատվության քանակն այնքան շատ է, որ մարդու մոտ առաջացնում է հոգեբանական խնդիրներ:
Այսպես, հոգեբաններն արդեն իսկ խոսում են այն մասին, որ ժամանակակից տեղեկատվական տեխնոլոգիաներից և հենց ստացված ինֆորմացիայից օգտվել չկարողանալը, դրա քանակի ու որակի ոչ ճիշտ վերահսկողությունը կարող է հանգեցնել «տեղեկատվական սթրեսի»: Դա էլ իր հերթին կարող է դառնալ առողջական լուրջ խնդիրների պատճառ 🙁
Ինչևէ, անհրաժեշտ է սովորել տարբերակել տեղեկատվության հավաստի աղբյուրները, զարգացնել կրիտիկական մտածողություն և փորձել վերահսկել ստացած տեղեկատվության որակը: Միայն այդ պարագայում կարող ես լինել պաշտպանված: