Լավագույնը հարաբերությունների և սիրո մասին: Ռեալ ժամանակի պայմաններում:

Սիրո՞ւմ ես սուրճ խմել

Այլ նորություններ

Կրկին մեդիագրագիտության մասին
Ողջու′յն։ Այսօր նորից կանդրադառնանք մեր ժամանակների ամենաարդիական թեմաներից մեկին՝ մեդիագրագիտությանը։ Ժամանակակից դեռահասների շրջանում շատ տարածված է դարձել վիրտուալ շփումը։ Այն շատ դրական կողմեր ունի, եթե պահպանում ենք մեդիագրագիտության մի քանի կանոններ:  [background_color]Մեդիագրագիտությունը ներառում է մեդիայի նկատմամբ քննադատական մտածելակերպի ձևավորումը և համացանցային գործունեության կանոնները, որոնք խիստ անհրաժեշտ են բոլորիս անվտանգ մնալու համար։[/background_color] Եվ այսպես, այդ կանոններն են. Չենք տրամադրում անձնական տվյալներ: Օրինակ՝  մեր և հարազատների գտնվելու վայրի մասին տեղեկություններ կամ անձնական լուսանկարներ։ Բնականաբար չի կարելի տրամադրել գաղտնաբարեր,…
Տեղադրված է 18.10.2021 , 11:41…  ավելին →

Սրճի սիրահա՞ր ես: Պարզվում է, գոյություն ունի հատուկ օր, երբ նշվում է սուրճի տոնը, ի ուրախություն սուրճի բոլոր սիրահարների 🙂 Այն այդպես էլ կոչվում է` Սուրճի համաշխարհային օրն է (International Coffee Day):

Սուրճն ըմպելիք է, որը պատրաստվում է սրճենու բոված սերմերից: Գոյություն ունի սրճենու մոտ 40 տեսակ, բայց մեր օրերում օգտագործվում է այդ բուսաբանական տիպերից ընդամենը 4-ի բերքը։
Կա հայտնի պատմություն այն մասին, որ սուրճի ծառի հրաշալի հատկությունների առաջին բացահայտողը եղել է Քալդի անունով եթովպացի հովիվը, մոտավորապես 850 թվականին: Լեռների լանջերին իր հոտն արածեցնելու ժամանակ հովիվն ուշադրություն է դարձրել այծերի զարմանալի պահվածքի վրա: Այդ բույսի տերևներն ուտելով` կենդանիները սկսում էին վազվզել այս ու այն կողմ և ցատկոտել 🙂 Քալդիի պատմածը լսելով` մոտակա վանքի վերակացուն նույնպես փորձում է այդ տերևները և զգում է դրանց առույգացնող հատկությունը։ Սուրճի տերևներից և պտուղներից պատրաստված թուրմի օգտագործումը դառնում է վանքի ավանդույթը և շուտով սիրելի է դառնում նաև շրջակա գյուղերի բնակիչների մոտ։

Եթովպիայում տարածվելուց հետո ըմպելիքը ճանաչվում է Եմենում, իսկ հետագայում՝ նաև ամբողջ աշխարհում։

Ի դեպ, գիտնականները պարզել են, որ սուրճը, չափավոր քանակով օգտագործման դեպքում, նվազեցնում է վաղաժամ մահվան հավանականությունը: Լավագույն տարբերակն օրական 2-3 բաժակ սուրճն է:

Բացի այդ, այն բարենպաստ ազդեցություն է ունենում լյարդի ու աղեստամոքսային տրակտի վրա (եթե իհարկե, չկան հատուկ հակացուցումներ):

Շնորհիվ օրգանիզմում լավ տրամադրություն ապահովող հատուկ նյութերի արտադրության՝ այս ըմպելիքն օգնում է ազատվել սթրեսից, բարելավում է տրամադրությունն ու բարձրացնում աշխատունակությունը:

Սակայն հարկ է նշել, որ անհրաժեշտ է խմել բնական բարձրորակ սուրճ, քանի որ լուծվող սուրճի մեջ շատ քիչ քանակությամբ օգտակար նյութեր կան 🙁

 

Կազմեց @Lia Saiyan