Լավագույնը հարաբերությունների և սիրո մասին: Ռեալ ժամանակի պայմաններում:

Սիրո՞ւմ ես մարմնամարզական օղակ պտտեցնել

Այլ նորություններ

Շրջակա միջավայրի համաշխարհային օր
ՄԱԿ-ի Գլխավոր վեհաժողովի 27-րդ նստաշրջանում 1972թ.-ին հունիսի 5 հռչակվել է շրջակա միջավայրի համաշխարհային օր (World Environment Day) : 2004թ.-ից Հայաստանում այն նշվում է որպես բնապահպանի օր: Այս օրը բնապահպանները ու բնապահպանական կազմակերպությունները ևս մեկ անգամ հանրության ուշադրությունն են հրավիրում բնապահպանական խնդիրների և շրջակա միջավայրի պահպանության վրա։   Այս տարի օրվա խորհուրդն է` ՎԵՐԱԻՄԱՍՏԱՎՈՐԵԼ: ՎԵՐԱՍՏԵՂԾԵԼ: ՎԵՐԱԿԱՆԳՆԵԼ Մենք չենք կարող վերադառնալ անցյալ և ուղղել մեր սխալները: Բայց մենք կարող ենք աճեցնել ծառեր, վերականգնել այգիներ, մաքրել մեր գետերը, անտառները…
Տեղադրված է 07.06.2021 , 14:13…  ավելին →

Իսկ դու գիտե՞ս, որ օղակ (hula hoop) պտտեցնելն ոչ միայն ուրախ վարժություն է, այն նաև օգնում է ունենալ ավելի բարեկազմ մարմին և նույնիսկ նիհարել:

Պարզվել է, որ օղակ պտտելն ավելի արդյունավետորեն է նպաստում ավելորդ ճարպի այրմանը և մկանային զանգվածի աճին, քան օրական 10 հազար քայլը: Այսպիսի հայտարարությամբ են հանդես եկել Հելսինկիի համալսարանի գիտնականները:

Հետազոտողներն ուսումնասիրել են մարմնամարզական օղակի օգտագործման արդյունքը և եկել այն եզրակացության, որ այն իսկապես օգնում է ավելի բարեկազմ կազմվածք ձեռք բերելուն:

Գիտնականները փորձ են անցկացրել ավելորդ քաշով ավելի քան 50 կնոջ մասնակցությամբ: Նրանց 2 խմբի են բաժանել. առաջինում ընդգրկվածները 2 ամիս պետք է օրական 13 րոպե օղակ պտտեցնեին, իսկ երկրորդում ընդգրկվածները` օրական անցնեին 10 հազար քայլից ոչ պակաս: Երկու ամիս անց մասնակիցների հանձնարարությունները փոխվել են՝ յուրաքանչյուր խմբում կատարել են մարզումների հակառակ ծրագիրը:

Արդյունքում ստացվեց, որ քայլելու համեմատությամբ օղակով մարզումները գրեթե 2 անգամ ավելի արագ են փոխում մկանային և ճարպային հյուսվածքների հարաբերակցությունը մկանների օգտին: Օղակը նաև ավելի լավ է օգնում իրանը բարակացնելուն:

Հետազոտությունները ցույց են տվել, որ օղակ պտտելը և օրական 10 հազար քայլ կատարելը հավասար արդյունք են ունեցել զարկերակային ճնշման և «վատ» խոլեստերինի նվազման ցուցանիշներում: Նաև 30 րոպե օղակ պտտեցնելով` կարող ես այրել 165-200 կկալ:

 

Այսպիսով, եղե՛ք ակտիվ, եղե՛ք առողջ:

 

Աղբյուր` https://med.news.am: