Լավագույնը հարաբերությունների և սիրո մասին: Ռեալ ժամանակի պայմաններում:

Ի՞նչ երաժշտություն ես նախընտրում

Այլ նորություններ

Կրկին մեդիագրագիտության մասին
Ողջու′յն։ Այսօր նորից կանդրադառնանք մեր ժամանակների ամենաարդիական թեմաներից մեկին՝ մեդիագրագիտությանը։ Ժամանակակից դեռահասների շրջանում շատ տարածված է դարձել վիրտուալ շփումը։ Այն շատ դրական կողմեր ունի, եթե պահպանում ենք մեդիագրագիտության մի քանի կանոններ:  [background_color]Մեդիագրագիտությունը ներառում է մեդիայի նկատմամբ քննադատական մտածելակերպի ձևավորումը և համացանցային գործունեության կանոնները, որոնք խիստ անհրաժեշտ են բոլորիս անվտանգ մնալու համար։[/background_color] Եվ այսպես, այդ կանոններն են. Չենք տրամադրում անձնական տվյալներ: Օրինակ՝  մեր և հարազատների գտնվելու վայրի մասին տեղեկություններ կամ անձնական լուսանկարներ։ Բնականաբար չի կարելի տրամադրել գաղտնաբարեր,…
Տեղադրված է 18.10.2021 , 11:41…  ավելին →

Երաժշտության միջազգային օրը (International Music Day) նշվում է ամեն տարի հոկտեմբերի 1-ին, սկսած 1975թ.-ից, ՅՈՒՆԵՍԿՕ-ին կից գործող Միջազգային երաժշտական խորհրդի նախաձեռնությամբ:

Երաժշտություն բառը առաջացել է հուներենից. musike – բառացի «մուսաների արվեստ»:

Երաժշտության հետ մարդիկ ծանոթ են դեռ շատ հին ժամանակներից. Աֆրիկայի քարանձավներում պահպանվել են վաղուց անհետացած ցեղերի կողմից ստեղծված ժայռապատկերներ, որտեղ կարելի է նկատել երաժշտական գործիքներ: 2000թ.-ին չինացի հնէաբանները գտել են Խան տոհմի ժամանակաշրջանում` շուրջ 2 հազարամյակ առաջ ստեղծված երաժշտական գործիքների թանգարան: Ստացվում է, որ նույնիսկ հազարամյակներ առաջ երաժշտությունը գեղեցկացնում էր մարդկանց կյանքը, ստիպում էր նրանց տխրել կամ ուրախանալ…
Իսկապես, երաժշտությունն օժտված է հզոր ուժով: Գրեթե չես կարող գտնել մի մարդու, ով չի սիրում երաժշտություն: Հարյուրավոր տաղանդավոր ստեղծագործող մարդիկ` կոմպոզիտորներ փորձել են երաժշտության միջոցով արտահայտել սեփական հույզերը և հոգեվիճակը: Նրանց ստեղծած մեղեդիները միշտ հիշվելու են մարդկանց կողմից, քանի որ մեծ երաժշտությունը երբեք չի հնանում և գոյություն ունի այնքան ժամանակ, քանի դեռ գոյատևում են մարդիկ:

Երաժշտությունը նպաստում է ժողովուրդների միջև բարեկամության հաստատմանը, մշակույթների փոխադարձ հարստացմանը: Չէ՞ որ երաժշտության լեզուն միջազգային է և հասանելի բոլոր նրանց, ովքեր ունեն զգացմունքներ 🙂

Իսկ դու ինչպիսի՞ երաժշտություն ես նախընտրում: Կիսվի՛ր քո սիրած մեղեդիներով մեր սոց. խմբում: