Նոր բացահայտումներ մեր օրգանիզմի մասին
Այլ նորություններ
Հոլանդացի գիտնականները վերջերս ի հայտ են եկել սենսացիոն հայտարարությամբ` մարդու օրգանիզմում հայտնաբերվել է նոր օրգան, որը մինչ այդ չէր նկարագրվել: 😮
Այդ զարմանահրաշ բացահայտումը Հոլանդիայի Ուռուցքաբանության Ինստիտուտի բժիշկների կողմից լրիվ պատահական էր և կատարվել էր պացիենտների սկանավորման ընթացքում: Նկարների վրա հայտաբերվել են թքագեղձեր հիշեցնող կառուցվածքներ, որոնք տեղակայվել են քթի խոռոչի և ըմպանի միացման հատվածում:
Դարեր ի վեր անատոմների կողմից նկարագրված են եղել երեք խումբ թքագեղձեր, որոնք տեղակայված են հարականջային, ստործնոտային և ենթալեզվային հատվածներում: Իսկ այս նոր օրգանները, որոնց անվանեցին խողովակավոր գեղձեր, փաստորեն գտնվում են գլխի այլ հատվածում: Դրանց դերը դեռ պետք է ուսումնասիրվի:
Զարմանալի է, բայց ձգտելով բացահայտել տիեզերքի գաղտնիքները, մենք դեռևս մինչև վերջ չենք ուսումնասիրել նույնիսկ սեփական օրգանիզմը, որն, ի դեպ, 97% բաղկացած է հեռավոր աստղերում ծնված նյութից: 🙂