Լավագույնը հարաբերությունների և սիրո մասին: Ռեալ ժամանակի պայմաններում:

Կրկին շփման մասին

Այլ նորություններ

Քո կարծիքը կարևոր է
Սիրելի´ դեռահաս, «Արաբկիր» բժշկական համալիր-Երեխաների և դեռահասների առողջության ինստիտուտը Լիսաբոնի պետական համալասարանի հետ համատեղ փորձում է պարզել, թե ինչ են մտածում դեռահասները շրջակա միջավայրի պահպանման մասին։ Եթե քե հուզում է շրջակա միջավայրի պահպանման խնդիրը, մասնակցի´ր մեր հարցմանը և կիսվի´ր քո կարծիքով: Հարցերն ուղղված են 11-19 տարեկաններին։ Խնդրում ենք քեզ մասնակցել առցանց հարցմանը` պատասխանելով մի շարք հարցերի այս հղումով: Քո պատասխանները շատ կարևոր են հետագա անելիքները ճիշտ պլանավորելու համար: Դարձրո´ւ քո ձայնը լսելի:
Տեղադրված է 15.06.2021 , 13:38…  ավելին →

Շարունակելով դեռահասների և ծնողների արդյունավետ շփման թեման, ավելացնենք կարևոր խոսքերի ցանկը: Այն խոսքերի, որոնք դեռահասը ցանկանում է լսել ծնողներից:

  • Քննությունը կարևոր է, բայց այն դեռ ամեն ինչ չէ: Եթե ձախողեցիր, կյանքդ չի ավարտվի: Առհասարակ, կյանքում միշտ կարելի է գտնել այլ ուղիներ նպատակին հասնելու համար: Իսկ երբ ամենահարազատ մարդիկ չեն քաջալերում, այլ հակառակը` նույնիսկ պախարակում են, ամեն ինչ շատ ավելի տխուր է թվում:  🙁 Ուրեմն, թույլ տվեք երեխային երբեմն և պարտվել, կյանքում պատահում է և այդպես: Ասացեք, որ նրա կողքին եք և կօգնեք, որպեսզի նա հաջողության հասնի: Միասին դիտարկեք այլ ուղիներ դրված նպատակին հասնելու համար կամ փնտրեք ալտերնատիվ տարբերակներ:
  • Ես քեզ համարում եմ բավականին հասուն անձ և հարգում եմ քո զգացմունքները և քո որոշումը: Մեծահասակներին դժվար է ընդունել այն փաստը, որ իրենց երեխան արդեն մեծացել է և կարող է սեփական որոշումներ կայացնել: Ծնողները ձգտում են երեխայի փոխարեն որոշել և լուծել նրա խնդիրները: Մինչդեռ, դեռահասի համար շատ վիրավորական է լսել` «դու դեռ փոքր ես ինքդ որոշելու համար»: 🙁  Փորձեք թույլ տալ դեռահասին սովորել սեփական սխալների վրա: Մնացեք նրա կողքին, հուշեք, երբ նա ցանկանում է լսել ձեր կարծիքը, բայց մի պնդեք, որ նա անի ըստ ձեր ասածի:
  • Ես կարող եմ սխալվել: Երբեմն ես էլ չգիտեմ, թե ինչպես վարվել: Հիշեք սեփական մանկությունը և դեռահասությունը: Հիշեք ձեր զգացմունքները, վախերը, տարակուսանքները, երբ սիրահարված էիք կամ վախենում էիք քննություններից: Ասացեք այդ մասին դեռահասին, խոստովանեք, որ դուք էլ եք դժվարանում որոշումներ կայացնել և կարող եք սխալվել:  🙂 Դա միայն կամրապնդի ձեր հարաբերությունները և փոխադարձ վստահությունը:
  • Այս տարին շատ դժվար էր եղել: Ես կանեմ ամեն ինչ, որ օգնեմ քեզ հաղթահարել դժվարությունները: Իհարկե, դժվար է քեզ զգալ անօգնական և չունենալ հնարավորություն պաշտպանելու երեխային բոլոր դժվարություններից: Պետք է փորձել լսել երեխային և հասկանալ` «մտնելով նրա կաշվի մեջ» և պարզապես մնալ նրա կողքին, որ նա իրեն միայնակ չզգա: Եվ համոզված եղեք, որ ամեն ինչ կստացվի:

 

Աղբյուր՝ mel.fm