Լավագույնը հարաբերությունների և սիրո մասին: Ռեալ ժամանակի պայմաններում:

Կրկին մասնագիտությունների մասին

Այլ նորություններ

ՁԻԱՀ-ի դեմ պայքարի համաշխարհային օր
Դեկտեմբերի 1-ը ՁԻԱՀ-ի դեմ պայքարի համաշխարհային օրն է: Օրվա նպատակն է բարձրացնել իրազեկվածությունը, միահամուռ ուժերով պայքարել ՄԻԱՎ/ՁԻԱՀ-ի դեմ, խոսել հիվանդության կանխարգելման միջոցառումների, պացիենտների բուժման մասին։ «Արաբկիր» ԲՀ-ԵԴԱԻ-ի մասնագետների կողմից մի քանի տարի առաջ ստեղծվել են երիտասարդ լսարանին ուղղված ֆիլմեր՝ ՄԻԱՎ-ով ապրող մարդկանց նկատմամբ հասարակությունում խարանի և խտրական վերաբերմունքի դեմ ուղղված ծրագրի շրջանակներում: Ֆիլմերը հասանելի են «Օգտակար ռեսուրսներ» բաժնում։ Մեր կայքում կարող ես գտնել նաև մի շարք հոդվածներ ՄԻԱՎ-ի մասին։ Եղի՛ր իրազեկված և պաշտպանված։  
Տեղադրված է 01.12.2023 , 14:00…  ավելին →

Նոր ժամանակները պահանջում են նոր մասնագիտություններ և նոր հմտություններ:

Այսօր կխոսենք շուկայում պահանջված` գովազդի ոլորտին առնչվող մասնագիտությունների մասին:

Մեր օրերում գովազդով կարելի է լավ գումար վաստակել: 🙂 Ի դեպ, միշտ չէ, որ այս ոլորտում աշխատելու համար պետք է հատուկ կրթություն ստանալ:

Արտադրանքի կամ ծառայության պրոմոութերը ապրանքի հանդեպ հետաքրքրությունը և հետևաբար` վաճառքը խթանում է ճիշտ խորհրդատվության, տարբեր գայթակղիչ ակցիաների և սեփական օրինակով ցուցադրելու միջոցով: Ի դեպ, այսպես վարվում են հաջողված բլոգերներ` մարդիկ, որոնք սեփական էջն ունեն և օրագիր են վարում համացանցում: Նրանք կարող են մեծ գումարներ վաստակել գովազդով, եթե ճանաչված են և ունեն մեծ թվով հետևորդներ: 🙂

Ամենակարևոր հմտությունն այս ոլորտում հաղորդակցման հմտությունն է և որոշ հոգեբանական հնարքների իմացությունը: Դա անհրաժեշտ է տեղեկատվությունը գրավիչ և գայթակղիչ ձևով փոխանցելու և մարդկանց համոզելու նպատակով:

Բրենդի պրոմոութերը կամ բրենդ մենեջերը զբաղվում է որևէ ապրանքի կամ ծառայության առաջխաղացմամբ,  ապրանքը հետաքրքիր և գրավիչ ձևով ներկայացնելով, ապրանքի անվանումը սպառողի ականջին հասցնելով և պահանջարկը խթանելով: Իհարկե, այս պարագայում կրթությունը կարևոր է` շուկայագիտություն:

 

Բոլոր դեպքերում, հաջողակ մասնագետ դառնալու համար հարկավոր է սիրել գործը և նվիրվել դրան: Եվ իհարկե, չմոռանալ ինքնակրթության մասին:

Իսկ դու ինչպե՞ս ես պլանավորում ընտրել քո մասնագիտությունը: Կիսվի′ր քո մտքերով մեր սոց.խմբերում: