Լավագույնը հարաբերությունների և սիրո մասին: Ռեալ ժամանակի պայմաններում:

Կորոնավիրուս. առասպելներ և փաստեր

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →
  • Կորոնավիրուսը չի սպառնում երեխաներին:

Սա առասպել է: Երեխաների կարող են վարակվել և հիվանդանալ, չնայած ավելի թեթև կամ աննշան ախտանիշներ զարգացնել: Չնայած, դա էլ է բավականին անհատական: Դեռ 2020թ.-ին հրատարակված ուսումնասիրությունը ցույց է տվել, որ թեև վարակված երեխաներն ունեն թույլ ախտանշաններ, այդուամենայնիվ, համավարակի շարունակման դեպքում դրա ազդեցությունը երեխաների և երիտասարդների կրթության, սնուցման և բարեկեցության վրա երկարաժամկետ հեռանկարում կարող է շրջադարձային լինել։ Որքան երկար է տևում ճգնաժամը, այնքան խորն է դրա ազդեցությունը երեխաների բարեկեցության վրա: 🙁

  • Կորոնավիրուսը չի տարածվում շոգ կլիմայի պայմաններում:

Սա առասպել է: Չնայած վիրուսի բազմացման համար ավելի նպաստավոր է 4-16ºC ջերմաստիճանը, համավարակի տարածվածության մասին տվյալները փաստում են, որ վարակը առկա է և′ տաք կլիմա ունեցող երկրներում, և′ ցուրտ եղանակային պայմաններում:

  • Սխտորի, կծու բիբարի և կոճապղպեղի օգտագործումը պաշտպանում է կորոնավիրուսով վարակումից:

Սա առասպել է: Չնայած նշված մթերքները օգտակար են առողջության համար և ունեն որոշակի հակամանրէային ազդեցություն 🙂 , չկան գիտական ապացույցներ, թե դրանք կարող են պաշտպանել կորոնավիրուսային վարակից:

  • Քթի լվացումները աղային լուծույթով պաշտպանում է կորոնավիրուսով վարակումից:

Սա առասպել է: Թեև որոշ սուր շնչառական վարակների դեպքում քթի լվացումները նպաստում են ավելի արագ ապաքինմանը, լուրջ գիտական տվյալներ վարակվելուց պաշտպանելու մասին բացակայում են:

  • Ծխող մարդկանց մոտ չի զարգանում հիվանդություն:

Սա առասպել է: Չկան լիարժեք հիմնավորված ապացույցներ, որ ծխախոտը պաշտպանում է վարակից, հակառակը` ծանր ընթացքով կորոնավիրուսի ռիսկը 1.4 անգամ բարձր է: Բազմաթիվ տվյալներ փաստում են, որ ծխողների մոտ ավելի ծանր կարող է ընթանալ ցանկացած շնչառական վարակ: 🙁

  • Կորոնավիրուսի դեմ պատվաստանյութը առաջացնում է անպտղություն:

Սա առասպել է: ! Բոլոր գրանցված պատվաստանյութերը փորձարկվել են լաբորատոր կենդանիների և կամավորների վրա, և չի գրանցվել որևէ բացասական ազդեցություն վերարտադրողական համակարգի վրա:

 

Եվ այսպես, համավարակի պայմաններում միակ ապացուցված միջոցներն են`

  • կրել դիմակ,
  • պահպանել սոցիալական տարածություն,
  • հաճախ լվանալ ձեռքերը ջրով և օճառով և ախտահանել սպիրտ պարունակող լուծույթներով,
  • կատարել կանխարգելիչ պատվաստումներ, որոնք պաշտպանում են վարակի ծանր ընթացքից:

 

Աղբյուրներ` UNICEF, WHO: