Լավագույնը հարաբերությունների և սիրո մասին: Ռեալ ժամանակի պայմաններում:

Քայլիր և եղիր առողջ

Այլ նորություններ

Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ  ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…  ավելին →

Իսկ դուք գիտե՞ք, որ քայլելը ևս սպորտ է համարվում: Ավելին՝ գոյություն ունի հատուկ արագ քայլքի մարզաձև (race walking), որն ընդգրկված է օլիմպիական խաղերում😳

Խոստովանեք, երբեմն պարի/լողի/մարզասրահ գնալը  շատ դժվար, անգամ անհնար է թվում: Հենց նմանատիպ իրավիճակում (և իհարկե ոչ միայն) օգնության է գալիս քայլելու մասին միտքը:

Հետևի՛ր մեր քանի խորհուրդներին, և քայլելը կդառնա քեզ համար առողջ և հաճելի սովորություն:

1.Ընտրիր հարմարավետ կոշիկներ, որպեսզի երկար քայլելուց չվնասվեն ոտքերդ:

2.Քայլիր, երբ ջղայնացած ես կամ սթրեսային իրավիճակում ես: Բացի զուտ ֆիզիկական ակտիվություն լինելուց, այն նաև հիանալի հանգստացնող մեթոդ է:

3.Քայլելը էլ ավելի հաճելի կդառնա երաժշտության ներքո: Կազմիր լավ երաժշտացանկ, ուղղակի վերցրու ականջակալներդ և քայլիր:

4.Քայլելուդ ճանապարհը թող ընդգրկի տարբեր խոչընդոտներ՝ բլուր, դեպի վեր տանող ճանապարհ և այլն: Իսկ եթե քայլես մաքուր օդին`զբոսայգում, անտառում կամ սարերում, օրինակ` արշավների ժամանակ, կստանաս կրկնակի օգուտ:

5.Օրական քայլերի թիվը ցանկալի է ձգտի 10000-ի: Հիշիր այս թիվը, մեր թիմը մի նոր բան է պատրաստում քեզ համար:

Ինչքան էլ քայլես, որտեղով էլ քայլես, կարևորը դա հաճույքով անես, և կունենաս լավ ինքնազգացողություն և հիանալի տրամադրություն☺️

 

Հոդվածի մոտիվացիան կամավորներ Lucy Hovakimyan-ից և Sirusho Kamavosyan-ից։