Լավագույնը հարաբերությունների և սիրո մասին: Ռեալ ժամանակի պայմաններում:

Կարևոր է իմանալ

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Վերջերս չինացի գիտնականների կողմից կատարված ուսումնասիրությունները կրկին ցույց են տվել, որ շաքարի չարաշահումը մեծացնում է մի շարք առողջական խնդիրների վտանգը։

Այն շաքարը, որը մենք ստանում ենք քաղցրավենիքի, հրուշակեղենի, քաղցր ըմպելիքների և բազմաթիվ այլ մթերքների հետ, կամ ինչպես ասում են ավելացված կամ «ազատ» շաքարը մեծացնում է սիրտանոթային համակարգի, շաքարային դիաբետի, որոշ տեսակի քաղցկեղի և մի շարք այլ հիվանդությունների ռիսկը։

ԱՀԿ խորհուրդ է տալիս սահմանափակել ավելացված շաքարի քանակը մինչև ստացած ընդհանուր կալորիաների 10%: 

Բժիշկ Huang Y․-ն և գործընկերները վերլուծել են հրապարակված բազմաթիվ հետազոտությունների արդյունքները և եզրակացրել, որ պետք է իջեցնել ավելացված շաքարի քանակը մինչև օրական 25 գ (6 թեյի գդալ) և օգտագործել շաբաթական կտրվածքով 1 չափաբաժնից պակաս քաղցր ըմպելիք (մոտավորապես 200 մլ-ից մինչև 355 մլ)։ 

Գիտնականների պնդմամբ դա կօգնի նվազեցնել շաքարի օգտագործման հետևանքով առաջացած առողջական վտանգները։

 

Աղբյուր՝  Huang Y, et al. BMJ. 2023;doi:10.1136/bmj-2022-071609.