Լավագույնը հարաբերությունների և սիրո մասին: Ռեալ ժամանակի պայմաններում:

Իսկ դու կրեատի՞վ մարդ ես

Այլ նորություններ

Շրջակա միջավայրի համաշխարհային օր
ՄԱԿ-ի Գլխավոր վեհաժողովի 27-րդ նստաշրջանում 1972թ.-ին հունիսի 5 հռչակվել է շրջակա միջավայրի համաշխարհային օր (World Environment Day) : 2004թ.-ից Հայաստանում այն նշվում է որպես բնապահպանի օր: Այս օրը բնապահպանները ու բնապահպանական կազմակերպությունները ևս մեկ անգամ հանրության ուշադրությունն են հրավիրում բնապահպանական խնդիրների և շրջակա միջավայրի պահպանության վրա։   Այս տարի օրվա խորհուրդն է` ՎԵՐԱԻՄԱՍՏԱՎՈՐԵԼ: ՎԵՐԱՍՏԵՂԾԵԼ: ՎԵՐԱԿԱՆԳՆԵԼ Մենք չենք կարող վերադառնալ անցյալ և ուղղել մեր սխալները: Բայց մենք կարող ենք աճեցնել ծառեր, վերականգնել այգիներ, մաքրել մեր գետերը, անտառները…
Տեղադրված է 07.06.2021 , 14:13…  ավելին →

Երբևէ մտածե՞լ ես` ինչու են որոշ մարդիկ ավելի կրեատիվ, քան մյուսները:
Մարդկանց զգալի մասը ծույլ է և նախընտրում է շատ քիչ ջանք գործադրել գործն ավարտին հասցնելու համար 🙁
Մեր ուղեղը սիրում է կրկնօրինակել արդեն մեզ հայտնի գործողությունները՝  նոր բան ստեղծելու փոխարեն: Իսկ դա նվազեցնում է մեր կրեատիվությունը և դարձնում ոչ արդյունավետ:
Իսկ հիմա տեսնենք, թե որոնք են այն տարածված սովորությունները, որ սպանում են ստեղծարարությունը:

  • Դու առաջնորդվում ես զուտ տրամաբանությամբ: Կրեատիվ միտքը չի կարող ծնվել միջավայրում, որտեղ գերակշռում են միայն տրամաբանությունը և իրատեսությունը 🙂
  • Դու ընտրում ես առաջին լուծումը և մտածում ես, որ կա միայն մեկ ճիշտ պատասխան: Մեզնից շատերը մտածում են, որ բոլոր հարցերն ունեն միայն մեկ ճիշտ պատասխան, բայց դա այդպես չէ: Որոշում կայացնելն ընդամենը գործընթացի սկիզբն է: Այս սովորությունն երբեք չի խթանի, որ գտնես այլընտրանքներ:
  • Քեզ պակասում են փորձագիտական գիտելիքներ: Սակայն անփորձ լինելը վատ բան չէ, քանի որ այն բնորոշում է յուրաքանչյուրին նոր ոլորտում մասնագիտական գործունեություն ծավալելիս: Մի′ վախեցիր մտնել նոր գործի մեջ և փորձել ուժերդ տարբեր ոլորտներում, չէ՞ որ այդպես ձեռք կբերես փորձառություն:
  • Դու ունես չափազանց շատ փորձագիտական գիտելիքներ։ Շատ բարձր ինքնագնահատականը կօգնի բաց թողնել հրաշալի հնարավորություններ զարգանալու և սովորելու համար:
  • Ուղեղդ հեղեղված է տվյալներով: Հերի′ք է շատ խորը մտածես տվյալների մասին: Հարցրու կամ փնտրիր բավարար ինֆորմացիա և տեղ հատկացրու նաև ստեղծարար մտածողությանը:
  • Դու համոզված ես, որ կրեատիվությունը քոնը չէ: Մինչդեռ, յուրաքանչյուրն ունի կրեատիվ լինելու միտում, պարզապես շատերը մտածում են, որ ստեղծարար մոտեցմամբ առաջնորդվելն անհրաժեշտ չէ առօրյայում:

 

Մտածիր, արդյո՞ք ծուլությունը խանգարում է քեզ լինել ստեղծագործ:

 

Կազմեց Taguhi Torozyan-ը: