Լավագույնը հարաբերությունների և սիրո մասին: Ռեալ ժամանակի պայմաններում:

Իսկ դու ինչպիսի՞ մասնագիտական հմտություններ ունես

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →

Հուլիսի 15-ը Երիտասարդների հմտությունների համաշխարհային օրն է (World Youth Skills Day):

Օրը հիմնվել է 2014-ի դեկտեմբերին ՄԱԿ կողմից՝ երիտասարդների սոցիալ-տնտեսական պայմանները բարելավելու, երիտասարդների հմտությունների զարգացման գործում ներդրումներ կատարելու կարևորության մասին հասարակության իրազեկումը բարձրացնելու նպատակով։

Այն կոչված է հիշեցնելու երիտասարդների դերակատարումը կայուն զարգացման գործում, երիտասարդների մասնագիտական պատրաստման, սոցիալական պաշտպանության և աշխատանքի տեղավորման հարցերում ներդրումներ անելու անհրաժեշտությունը:

Օրը հիմնելու նախաձեռնությունը եղավ ի պատասխան երիտասարդների շրջանում գործազրկության աճի կապակցությամբ մտահոգության։

 

Երիտասարդությունը կյանքի ամենակատիվ շրջանն է, երբ մարդը սովորում է և ստանում կյանքի կարևորագույն հմտություններ, կառուցում է սեփական կարյերան և ակտիվորեն մասնակցում է հասարակական կյանքին: Այնուամենայնիվ, աշխարհում երիտասարդների շրջանում գործազրկությունը 3 ամգամ ավելի հաճախ է գրանցվում 🙁

Երիտասարդների կողմից լրացուցիչ ժամանակակից հմտությունների ձեռք բերումը կհեշտացնի նրանց մուտքը փոփոխվող աշխատաշուկա և կօգնի ճիշտ ընտրություններ կատարել սեփական կյանքի վերաբերյալ:

Ի դեպ, աշխարհում բավականին մեծ տարածում է ստացել WorldSkills շարժումը, որն իրենից ներկայացնում է երիտասարդ մասնագետների և ուսանողների մրցույթ: Երիտասարդները տեղադրում են համացանցում իրենց աշխատատեղից լուսանկարներ` գովազդելով սեփական հմտությունները և աշխատանքային հաջողությունները 🙂

Բացի այդ, WorldSkills թույլ է տալիս ձևավորել հետաքրքրություն և նոր վերաբերմունք ժամանակակից մասնագիտությունների, այդ թվում և արհեստագործական ուղղությունների նկատմամբ: