Լավագույնը հարաբերությունների և սիրո մասին: Ռեալ ժամանակի պայմաններում:

Իսկ դու գիտե՞ս

Այլ նորություններ

Շրջակա միջավայրի համաշխարհային օր
ՄԱԿ-ի Գլխավոր վեհաժողովի 27-րդ նստաշրջանում 1972թ.-ին հունիսի 5 հռչակվել է շրջակա միջավայրի համաշխարհային օր (World Environment Day) : 2004թ.-ից Հայաստանում այն նշվում է որպես բնապահպանի օր: Այս օրը բնապահպանները ու բնապահպանական կազմակերպությունները ևս մեկ անգամ հանրության ուշադրությունն են հրավիրում բնապահպանական խնդիրների և շրջակա միջավայրի պահպանության վրա։   Այս տարի օրվա խորհուրդն է` ՎԵՐԱԻՄԱՍՏԱՎՈՐԵԼ: ՎԵՐԱՍՏԵՂԾԵԼ: ՎԵՐԱԿԱՆԳՆԵԼ Մենք չենք կարող վերադառնալ անցյալ և ուղղել մեր սխալները: Բայց մենք կարող ենք աճեցնել ծառեր, վերականգնել այգիներ, մաքրել մեր գետերը, անտառները…
Տեղադրված է 07.06.2021 , 14:13…  ավելին →

Իսկ դու գիտե՞ս, թե ինչու ալկոհոլային խմիչքները հատկապես վնասակար են կանանց և դեռահասների համար:

Հետազոտությունները ցույց են տվել, որ ալկոհոլը կանանց օրգանիզմին հասցնում է ավելի մեծ վնասներ, քան տղամարդկանց: Պատճառներից մեկն այն է, որ կանանց քաշը պակաս է, համեմատած տղամարդկանց հետ: Մյուս պատճառներից է այն է, որ կանանց մոտ ավելի հաճախ է բացակայում հատուկ ֆերմենտը` կարևոր նյութը, որը մեր օրգանիզմում չեզոքացնում է ալկոհոլը:

Արդյունքում, ալկոհոլային խմիչքի նույն քանակը կանանց մոտ թողնում է միջինում 30%-ով ավելի ուժեղ ազդեցություն:

 

Կարևոր է իմանալ, որ ալկոհոլն անուղղելի վնաս է հասցնում հատկապես զարգացող ուղեղին 🙁

Ալկոհոլի օգտագործման հետևանքներն են`

  • ինքնակառավարման նվազում և հոգեհուզական խանգարումներ,
  • ընդհանուր զարգացման համար պատասխանատու գործընթացների խանգարում և ինտելեկտի նվազում,
  • կախվածության արագ առաջացում, հարբեցող դառնալու մեծ հավանականություն,
  • առողջական վիճակի տարատեսակ խանգարումներ:

Բացի այդ, ալկոհոլի ազդեցության տակ դեռահասը կարող է կողոպուտի, ծեծի, սեռական ոտնձգության ենթարկվել, ուրիշի ճնշման տակ հանցագործություն կատարել:

 

Ուստի երեխաները և դեռահասները պետք է զերծ մնան ալկոհոլային խմիչքներից: