Իսկ դու գիտե՞ս, թե ում են առավել հաճախ խայթում մոծակները 🙂

Ռուսաստանի Տոմսկ քաղաքի բժշկական համալսարանի գիտնականները պարզել են, որ մոծակների զոհը առավել շատ են դառնում արյան 1-ին խումբ ունեցող մարդիկ:

Իհարկե, դա չի նշանակում, որ մյուսների արյունը մոծակներին չի գրավում: Ուղղակի մոծակները ավելի հաճախ նստում են արյան 1-ին խումբ ունեցող մարդկանց մաշկի վրա` համեմատած 2-րդ խմբի արյուն ունեցող մարդկանց հետ: Նաև մոծակներին գրավում են այլ գործոններ` հոտը, նյութափոխանակության մակարդակը և մարմնի ջերմաստիճանը:

Մոծակները գտնում են իրենց «սնունդը» արտազատված ածխաթթու գազով: Այդ իսկ պատճառով նրանք գերադասում են բարձր նյութափոխանակություն ունեցող, ֆիզիկապես ակտիվ կամ գեր մարդկանց,  ինչպես նաև հղի կանանց արյունը:

Հիշեցնենք, որ մոծակի որոշ տեսակներ կարող են փոխանցել մալարիա և այլ արևադարձային վիրուսային և մակաբուծական հիվանդություններ, բայց ոչ` ՄԻԱՎ վարակ:

ՄԻԱՎ վարակը չի փոխանցվում մոծակի խայթոցով: