Լավագույնը հարաբերությունների և սիրո մասին: Ռեալ ժամանակի պայմաններում:

Իսկ դու գիտե՞ս…

Այլ նորություններ

Բուլինգ․ ինչպե՞ս վարվել
Բուլինգը բավական տարածված երևույթ է դպրոցներում։ Ցավոք, ոչ մեկ ապահովագրված չէ բռնության այս ձևից։ Բուլինգի կարող է ենթարկվել ցանկացած դեռահաս։ Բուլինգի տեսակների մասին և թե ինչպես վարվել նման իրավիճակներում կարող ես իմանալ այս տեսանյութերից՝ «Բուլինգ. մաս 1», «Բուլինգ. մաս 2», «Բուլինգ. մաս 3»։ Ի դեպ, տեսանյութերի տարբեր մասերը նախատեսված են ինչպե՛ս երեխաների, այնպե՛ս էլ ծնողների և ուսուցիչների համար։ Ռուսաստանյան մասնագետները ստեղծել են հետաքրքիր ինտերակտիվ խաղ դեռահասների համար՝  https://classgames.ru/, որին մասնակցելով կարող ես սովորել՝  ինչպես դիմադրել (ռուսալեզու հարթակ)։ Եվ…
Տեղադրված է 14.11.2023 , 11:04…  ավելին →

Իսկ դու գիտե՞ս, թե ում են առավել հաճախ խայթում մոծակները 🙂

Ռուսաստանի Տոմսկ քաղաքի բժշկական համալսարանի գիտնականները պարզել են, որ մոծակների զոհը առավել շատ են դառնում արյան 1-ին խումբ ունեցող մարդիկ:

Իհարկե, դա չի նշանակում, որ մյուսների արյունը մոծակներին չի գրավում: Ուղղակի մոծակները ավելի հաճախ նստում են արյան 1-ին խումբ ունեցող մարդկանց մաշկի վրա` համեմատած 2-րդ խմբի արյուն ունեցող մարդկանց հետ: Նաև մոծակներին գրավում են այլ գործոններ` հոտը, նյութափոխանակության մակարդակը և մարմնի ջերմաստիճանը:

Ի դեպ, արյուն են ծծում միայն էգ մոծակները (այն անհրաժեշտ է ձվազատման համար), իսկ արուները սնվում են միայն բույսերի հյութով:

Մոծակները գտնում են իրենց «սնունդը» արտազատված ածխաթթու գազով: Այդ իսկ պատճառով նրանք գերադասում են բարձր նյութափոխանակություն ունեցող, ֆիզիկապես ակտիվ կամ գեր մարդկանց,  ինչպես նաև հղի կանանց արյունը:

Հիշեցնենք, որ մոծակի որոշ տեսակներ կարող են փոխանցել մալարիա և այլ արևադարձային վիրուսային և մակաբուծական հիվանդություններ, բայց ոչ` ՄԻԱՎ վարակ:

ՄԻԱՎ վարակը չի փոխանցվում մոծակի խայթոցով: