Ինչպես վերապրել դժվար ժամանակաշրջանը
Այլ նորություններ
Ճարպակալման դեմ պայքարի համաշխարհային օր
Մարտի 4-ը ճարպակալման դեմ պայքարի համաշխարհային օրն է (World Obesity Day): Առողջապահության համաշխարհային կազմակերպության Մանկական ճարպակալման համաճարակաբանական հսկողության եվրոպական նախաձեռնության (COSI) տվյալներով Հայաստանում 7-8 տարեկան երեխաների 27.7%-ն ավելորդ քաշ ունի, 12.6%-ը` ճարպակալում։ Ընդ որում, ավելորդ քաշով և ճարպակալմամբ տղաների թիվը հասնում է 30%-ի, աղջիկներինը՝ 25%-ի: Համաձայն Հայաստանի Դպրոցականների առողջության վարքագծի հետազոտության (HBSC)՝ 11 տարեկան տղաների 31%-ը, աղջիկների 17%-ը, 13 տարեկան տղաների 27%-ը, աղջիկների 15%-ը, 15 տարեկան տղաների 25%-ը, աղջիկների 12%-ն ավելորդ քաշ կամ ճարպակալում ունի։…
Տեղադրված է 04.03.2025 , 14:02…
ավելին →
Անորոշության, անզորության զգացում…Դժվար և լարված ժամանակներում հարկավոր է ավելի ուշադիր լինել սեփական օրգանիզմի կարիքներին և հույզերին։
Ինչպե՞ս օգնել մեզ և կողքիններին. խորհուրդ է տալիս հոգեբանը․
Երբ իրավիճակը անկանխատեսելի է և ձեր վերահսկումից դուրս՝ փորձեք կենտրոնանալ այն գործողությունների վրա, որոնք կարող եք կառավարել (օրինակ՝ աշխատանքը, աջակցություն և օգնություն տրամադրելը և ստանալը): Ատելության խոսքերը, անեծքները, ցասումը առաջին հերթին վնասում են ձեզ և կոնստրուկտիվ չեն: Ավելի արդյունավետ է կիսվել սեփական ապրումներով մտերիմ և վստահելի մարդկանց հետ: Տագնապը և բարկությունը վերածեք որևէ կոնստրուկտիվ գործողությունների, որոնք օգտակար կլինեն ձեր և այլոց համար: Պաշտպանեք ձեզ հյուծվելուց՝ նվազացնելով ձեր կողմից ընկալվող տեղեկատվական հոսքը: Վեճերը շրջապատի մարդկանց հետ կարող են ստիպել ձեզ ավելի մեկուսացված զգալ՝ փորձեք ձեր կարծիքը արտահայտել առանց քննադատության և ագրեսիայի:Բոլորիս հիմա պետք է ուժեղ լինել, ինչի համար հարկավոր է հոգ տանել ձեր մասին և խելամիտ օգտագործել սեփական ռեսուրսները՝ դրա մեջ ամոթ բան չկա, դա խելամիտ և հասուն մոտեցում է:Խորհուրդները վերցված են հոգեբան Նունե Վարդանյանի անձնական էջից